ରାଜୀବ ଲୋଚନ ମିଶ୍ର

3/02/2024 at 6:53 PM

ଗୋପାଳପୁର ୩/୨
ବଡଗୁମୁଳା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ଆଜି ବାର୍ଷିକ ଉତ୍ସବ ଅନୁଷ୍ଠିତ ହୋଇଥିଲା।ଏଥିରେ ମୁଖ୍ୟ ଅତିଥି ଭାବେ ବ୍ଲକ୍ ଶିକ୍ଷାଧିକାରୀ ଦେବେନ୍ଦ୍ର କୁମାର ବେହେରା ଯୋଗ ଦେଇ ବିଦ୍ୟାର୍ଥୀ ଙ୍କୁ ଭଲ ପାଠ ପଢିବା ସହ ଭଲ ମଣିଷ ହେବାକୁ ପରାମର୍ଶ ଦେଇଥିଲେ । ସ୍ଥାନୀୟ ସରପଞ୍ଚ ସୁନୀତା ସେଠୀ ମୁଖ୍ୟବକ୍ତା ଭାବେ ଯୋଗ ଦେଇ ବିଦ୍ୟାର୍ଥୀ ଙ୍କ ଚରିତ୍ର ଗଠନ ପାଇଁ ବିଭିନ୍ନ ଉଦାହରଣ ଦେଇ ବୁଝାଇଥିଲେ।ଅନ୍ୟତମ ଅତିଥି ଭାବେ ପୂର୍ବତନ ଶିକ୍ଷକ ଜି. ସିମାଦ୍ରି ରେଡ୍ଡୀ , ସ୍କୁଲ ପରିଚାଳନା କମିଟିର ସଭାପତି ଲିଲୁ ବେହେରା ଉପସ୍ଥିତ ଥିଲେ ।ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସୁଜାତା ପଣ୍ଡା ସଭା ପରିଚାଳନା କରିବା ସହ ବିବରଣୀ ପାଠ କରିଥିଲେ । ବିଦ୍ୟାଳୟର ଶିକ୍ଷୟତ୍ରୀ ସଂଘମିତ୍ରା ପଣ୍ଡା ସାଂସ୍କୃତିକ କାର୍ଯ୍ୟକ୍ରମ ପରିଚାଳନା କରିଥିଲେ। ଜ୍ୟୋତିମାଳା ମହାପାତ୍ର , ଅଲିଭା ମଣ୍ଡଳ ଓ ନିରଞ୍ଜନ ମହାରଣା ଶୃଙ୍ଖଳା ରକ୍ଷା ଓ ପବିତ୍ର କୁମାର ବିଷୋୟୀ ମଞ୍ଚ ପରିଚାଳନା କରିଥିଲେ । ବିଦ୍ୟାଳୟ ପରିଚାଳନା କମିଟିର ସଦସ୍ୟ ଶିଶିର କୁମାର ଜେନା , ସୁଶାନ୍ତ ମହାରଣା , ସନ୍ତୋସୀ ଦଳେଇ , ସୁଷମା ବିଷୋୟୀ ,ନରେନ୍ଦ୍ର ପଟ୍ଟନାୟକ, ଝିଲି ବିଷୋୟୀ ପ୍ରମୁଖ ସହଯୋଗ କରିଥିଲେ।ଏହି ଅବସରରେ ବିଦ୍ୟାର୍ଥୀ ମାନଙ୍କୁ ମାଗଣାରେ ଯୋଗ ଶିକ୍ଷା ପ୍ରଦାନ କରୁଥିବା ପୁଷ୍ପାଞ୍ଜଳି ବେହେରା ଓ ବିଶ୍ବନାଥ ବେହେରା ପ୍ରମୁଖ ଉପଢୌକନ ପ୍ରଦାନ କରି ସମ୍ମାନିତ କରା ଯାଇଥିଲା।ଏହା ସହ
ବିଭିନ୍ନ ପ୍ରତିଯୋଗିତା ର କୃତିଙ୍କୁ ପୁରସ୍କାର ସହ ପ୍ରମାଣ ପତ୍ର ପ୍ରଦାନ କରାଯାଇଥିଲା। ଶେଷରେ ଛାତ୍ରଛାତ୍ରୀମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା