ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ4/02/2024 at 1:19 PM
ନୂଆଦିଲ୍ଳୀ: କଂଗ୍ରେସ ନେତା ଆଚାର୍ଯ୍ୟ ପ୍ରମୋଦ କୃଷ୍ଣନ ସଂପ୍ରତି ଚର୍ଚ୍ଚାରେ ରହିଛନ୍ତି । ଶ୍ରୀ କଲକି ଧାମ ଶିଳାନ୍ୟାସ ସଂଦର୍ଭରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଆମନ୍ତ୍ରିତ କରିବା ପାଇଁ ତାଙ୍କୁ ଭେଟିଥିଲେ ପ୍ରମୋଦ କୃଷ୍ଣନ । ଏବେ ସେ ଭାରତୀୟ ଜନତା ପାର୍ଟିର ଆଉ ଜଣେ ବଡ ନେତାଙ୍କୁ ଭେଟିଛନ୍ତି । ହେଲେ ତାଙ୍କର ଏମିତି ସାକ୍ଷାତକୁ ରାଜନୈତିକ ଦୃଷ୍ଟିକୋଣରେ ନ ଦେଖିବାକୁ ଆଚାର୍ଯ୍ୟ ପ୍ରମୋଦ କୃଷ୍ଣନ ଅପିଲ୍ କରିଛନ୍ତି ।
ଆଚାର୍ଯ୍ୟ ପ୍ରମୋଦ ରବିବାର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କୁ ଭେଟିଛନ୍ତି । ଉଲ୍ଲେଖନୀୟ ୨୦୧୯ ଲୋକସଭା ନିର୍ବାଚନରେ ଆଚାର୍ଯ୍ୟ ପ୍ରମୋଦ ବିଜେପିର ବରିଷ୍ଠ ନେତା ରାଜନାଥଙ୍କ ବିରୋଧରେ ନିର୍ବାଚନ ଲଢିଥିଲେ । ରାଜନାଥଙ୍କ ସହ ଭେଟ ପରେ ଆଚାର୍ଯ୍ୟ ପ୍ରମୋଦ କହିଛନ୍ତି, ଫେବୃଆରୀ ୧୯ରେ ଶ୍ରୀରାମ କଳକି ଧାମର ଶିଳାନ୍ୟାସ୍ ହେଉଛି । ଉକ୍ତ ସମାରୋହ ପାଇଁ ମୁଁ ପ୍ରତିରକ୍ଷା ମନ୍ତ୍ରୀଙ୍କୁ ନିମନ୍ତ୍ରଣ ଦେବା ପାଇଁ ଆସିଥିଲି । ଆଜି ସାକ୍ଷାତର ସେମିତି କୌଣସି ଭିନ୍ନ ଅର୍ଥ ନାହିଁ । ଏହାକୁ ଆପଣମାନେ ରାଜନୈତିକ ଦୃଷ୍ଟିକୋଣରେ ଦେଖନ୍ତୁ ନାହିଁ । ମୁଁ ରାଜନାଥଙ୍କୁ ଶିଳାନ୍ୟାସ ସମାରୋହରେ ଯୋଗ ଦେବାକୁ ଅନୁରୋଧ କରିଛି ।
#WATCH कांग्रेस नेता आचार्य प्रमोद कृष्णम ने कहा, "19 फरवरी को श्री कल्कि धाम का शिलान्यास हो रहा है, उस समारोह के लिए मैं रक्षा मंत्री राजनाथ सिंह को आमंत्रित करने आया था… आज की मुलाकात का और कोई प्रयोजन नहीं है, इसे राजनीतिक दृष्टिकोण से न देखा जाए…" https://t.co/sFk4ykxNf4 pic.twitter.com/HF7kYIci5G
— ANI_HindiNews (@AHindinews) February 4, 2024
କଣ ଆପଣ ବିଜେପିରେ ସାମିଲ୍ ହେବେ ? ଏହି ପ୍ରଶ୍ନ ଉପରେ ଆଚାର୍ଯ୍ୟ ପ୍ରମୋଦ କହିଛନ୍ତି, ଆଜିର ସାକ୍ଷାତର କୌଣସି ଅନ୍ୟ ଅଭିପ୍ରାୟ ନାହିଁ । ବରଂ ଧାମର ପୀଠାଧୀଶ୍ୱର ହୋଇଥିବାରୁ ମୁଁ ସମସ୍ତଙ୍କୁ ଆମନ୍ତ୍ରିତ କରିବାକୁ ଆସିଥିଲି । ଆଜିର ସାକ୍ଷାତକୁ ରାଜନୈତିକ ଦୃଷ୍ଟିକୋଣରେ ଦେଖା ନ ଯାଉ ।
ସୂଚନାଯୋଗ୍ୟ, ୟୁପିର ସମ୍ବଲରେ କଲକିଧାମର ନିର୍ମାଣ ହେବ । ଆଚାର୍ଯ୍ୟ ପ୍ରମୋଦ କୃଷ୍ଣନ ଏହି ଧାମର ପୀଠାଧୀଶ୍ୱର । ଏହା ପୂର୍ବରୁ ନରେନ୍ଦ୍ର ମୋଦୀଙ୍କୁ ଶିଳାନ୍ୟାସ କାର୍ଯ୍ୟକ୍ରମରେ ଆମନ୍ତ୍ରିତ କରାଯାଇଥିଲା ।