ପ୍ରଦୀପ କୁମାର ନାୟକ10/02/2024 at 5:28 PM
ଚିପିଲିମା,ବୁର୍ଲାସ୍ଥିତ କଲ୍ୟାଣ ମଣ୍ଡପ ଠାରେ ଆଜି ୱାର୍ଡ ନମ୍ବର ୩ ର ମଡ଼ିଆଡୁଙ୍ଗୁରି, ଭୂଇଁ ଡୁଙ୍ଗୁରି, ଗୋଲଗୁଣ୍ଡା, ଓରାମ ପଡା ଓ କେମ୍ପସପଡI ବସ୍ତି ବାସିନ୍ଦାଙ୍କ ବିକାଶ ନିମନ୍ତେ ରାଜ୍ୟ ସରକାରଙ୍କର ସଂକଳ୍ପ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ଏହି କାର୍ଯ୍ୟକ୍ରମରେ ସମାଜସେବୀ ଡାକ୍ତର ରାସେଶ୍ୱରୀ ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗଦେଇଥିଲେ I ଏସ. ଡ଼ି. ଏ ମହିଳା ମାନଙ୍କ ଦ୍ୱାରା ଆୟୋଜିତ କାର୍ଯ୍ୟକ୍ରମରେ ଡାକ୍ତର ପାଣିଗ୍ରାହୀଙ୍କୁ ଉତ୍ତରୀୟ ଦେଇ ସମ୍ମାନିତ କରାଯାଇଥିଲା I ଏହି କାର୍ଯ୍ୟକ୍ରମ ରେ ବିଜୁ ଜନତା ଦଳର ଜିଲ୍ଲା ଉପ ସଭାପତି ଦେବାଶିଷ ନନ୍ଦ, ସମ୍ପାଦକ ତରଣୀସେନ ଚାନ୍ଦ ଓ ବିଜୁ ଯୁବ ଜନତା ଦଳର ଜୋନ ସାଧାରଣ ସମ୍ପାଦକ ରମାକାନ୍ତ ସାହୁ ସମ୍ମାନୀୟ ଅତିଥି ରୂପେ ଯୋଗଦାନ କରିଥିବାବେଳେ, ସରକାରଙ୍କ ଲୋକାଭିମୁଖୀ ଯୋଜନା ସମ୍ପର୍କରେ ଅବଗତ କରାଯାଇଥିଲା lଏହି କାର୍ଯ୍ୟକ୍ରମକୁ ସମ୍ବଲପୁର ମହାନଗର ନିଗମ ର ରଂଜିତ ପରିଡା, ଜାହ୍ନବୀ କଲେତ, ଦିଲ୍ଲୀପ ପ୍ରଧାନ ପରିଚାଳିତ କରିଥିଲେ I ମହିଳା ମାନଙ୍କ ଦ୍ୱାରା ଝୋଟି, ପିଲାମାନଙ୍କ ମଧ୍ୟରେ ଚିତ୍ରାଙ୍କନ ଓ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇ ଶେଷରେ ଏକ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା I