ପ୍ରଦୀପ କୁମାର ନାୟକ10/02/2024 at 8:27 PM
ଚିପିଲିମା,ସମ୍ବଲପୁର ଜିଲ୍ଲା ପ୍ରସ୍ତାବିତ ନୁଆଁ ଷ୍ଟାଡିଅମ ପାଇଁ ଚିପିଲିମା କରଡୋଳା ମଝିରେ ଜମି ଚିହ୍ନଟ ପ୍ରକ୍ରିୟା ଚାଲିଥିବାବେଳେ, କିଛିଦିନ ହେଲା ବଡ ବଡ଼ ଅଧିକାରୀଙ୍କ ଘନ ଘନ ଜମି ଚିହ୍ନଟ ପ୍ରକ୍ରିୟା ଚାଲିଛି l ଆଜିମଧ୍ୟ ଅପରାହ୍ନରେ ନୂତନ ଜିଲ୍ଲାପାଳ ଅକ୍ଷୟ ସୁନୀଲ ଅଗ୍ରୱାଲ ସମେତ ବିଭିନ୍ନ ଅଧିକାରୀ ଆସି ପ୍ରସ୍ତାବିତ ଷ୍ଟାଡିଅମ ପାଇଁ ପ୍ରସ୍ତାବିତ ଜାଗା ପରିଦର୍ଶନ କରିଥିବାବେଳେ ସ୍ଥାନୀୟ ଚିପିଲିମା ରାଜସ୍ବ ଅଧିକାରୀଙ୍କୁ ଜମି ସମ୍ବନ୍ଧରେ ପଚାରି ବୁଝିଥିଲେ l ଜିଲ୍ଲପାଳଙ୍କ ପରିଦର୍ଶନ ସମୟରେ ସମ୍ବଲପୁର ମହାନଗର କମିସନର, ବିଭିନ୍ନ ବିଭାଗୀୟ ଅଧିକାରୀ, ସ୍ଥାନୀୟ କରଡୋଳା ସରପଞ୍ଚ ଗୋରେଖ ରାଉତ ସମେତ ସ୍ଥାନୀୟ ଲୋକ ଉପସ୍ଥିତ ଥିଲେ l ପ୍ରସ୍ତାବିତ ଷ୍ଟାଡିଅମ ଏଠାରେ ହେବାପାଇଁ ଗୋଟିଏ ପ୍ରକାର ନିଶ୍ଚିତ ଅନୁମାନ କରାଯାଉଥିବାବେଳେ, ରବିବାର ପୂର୍ବାହ୍ନ ରେ ୫ଟି ଅଧ୍ୟକ୍ଷ ଭି କେ ପାଣ୍ଡିଏନଙ୍କ ଉକ୍ତ ଜମି ପରିଦର୍ଶନ ପରେ ଚୂଡାନ୍ତ ହେବ ବୋଲି ବିଶ୍ୱସ୍ତ ସୂତ୍ରରୁ ଜଣା ପଡିଛି l ଚିପିଲିମା ଅଞ୍ଚଳରେ ଏପରି ଏକ ପ୍ରସ୍ତାବକୁ ନେଇ ସଚେତନ ବୁଦ୍ଧିଜୀବୀ ମହଲରେ ସ୍ୱାଗତ କରାଯାଉ ଥିବାବେଳେ, ଚୂଡାନ୍ତ ନିଷ୍ପତ୍ତି ଅପେକ୍ଷ୍ୟାରେ ଅଞ୍ଚଳବାସୀ l