ଲସ୍ତଲା ପଞ୍ଚାୟତ ରେ ଆମ ଓଡିଶା ନବୀନ ଓଡିଶା ସଚେତନତା କାର୍ଯ୍ୟକ୍ରମ


ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ ଲସ୍ତଳା ଗ୍ରାମ ପଞ୍ଚାୟତ ରେ ଆଜି ଆମ ଓଡ଼ିଶା ନବୀନ ଓଡିଶା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟଅତିଥି ଭାବେ ପୂର୍ବତନ ସାଂସଦ ତଥା ଗୃହ ନିର୍ମାଣ ନିଗମ ଅଧ୍ୟକ୍ଷ କଳିକେଶ ନାରାୟଣ ସିଂଦେଓ ଯୋଗ ଦେଇଥିଲେ l ବୀରମହାରାଜପୁର ବିଧାୟକ ପଦ୍ମନାଭ ବେହେରା ସମ୍ମାନିତ ଅତିଥି ଭାବରେ ଯୋଗଦେଇ ଥିବାବେଳେ ଅନ୍ୟତମ ଅତିଥିଭାବେ ଉଲୁଣ୍ଡା ବ୍ଳକ ଅଧ୍ୟକ୍ଷା ଶାନ୍ତିଲତା ମିଶ୍ର , ବିଡ଼ିଓ କରିସ୍କା ବେସ୍ରା , ଜିଲ୍ଲା ପରିଷଦ ଉପାଧ୍ୟକ୍ଷ ଝସକେତନ ବଘାର , ଜିଲ୍ଲା ପରିଷଦ ସଭ୍ୟ ବିଜୟଲକ୍ଷ୍ମୀ ତରାଇ , ସରପଞ୍ଚ ଶିବାନୀ ମହାକୁର , ସମିତି ସଭ୍ୟ ମହେନ୍ଦ୍ର ଭୋଇ ,ଏବିଡିଓ ଶୁଭ୍ରାଂଶୁ ଶେଖର ମଲ୍ଲିକ ପ୍ରମୁଖ ମଞ୍ଚାସୀନ ଥିଲେ । ଆମ ଓଡ଼ିଶା ନବୀନ ଓଡିଶା କାର୍ଯ୍ୟକ୍ରମ ରେ ଗ୍ରାମାଞ୍ଚଳ ଭିତ୍ତିଭୂମିର ବିକାଶ ପାଇଁ ରାଜ୍ୟ ସରକାରଙ୍କ ପ୍ରୟାସକୁ ଲୋକଲୋଚନ କୁ ଆଣିବା ପାଇଁ ପଞ୍ଚାୟତ ସ୍ତରୀୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହେଉଅଛି । ଏହି ଅବସରରେ ଓଡିଶା ସରକାରଙ୍କ ଜନହିତକର ଯୋଜନା ଉପରେ ସମସ୍ତ ଅତିଥିଗଣ ଆଲୋକପାତ କରିଥିଲେ । ଏହା ସହ ଆଜି ଲସ୍ତଳା ପଞ୍ଚାୟତ ରେ ନୂତନ ସଭାଗୃହ ଉଦଘାଟନ ଓ ଗ୍ରାମୀଣ ପ୍ରମୋଦ ଉଦ୍ୟାନ ଉଦେପଦର ମଧ୍ୟ ଉଦଘାଟନ କରାଯାଇଥିଲା । ଏହି ଅବସରରେ ସଂକୀର୍ତ୍ତନ , ପତରସହରା , ଗୀତ , ନୃତ୍ୟ ଆଦି ସହିତ ଛାତ୍ରଛାତ୍ରୀ ଙ୍କ ଦ୍ଵାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା।