ଜୀବନ କୌଶଳ ଓ ଆତ୍ମବିଶ୍ୱାସ ବୃଦ୍ଧି ନିମନ୍ତେ ପ୍ରଶିକ୍ଷଣ
ଭବାନୀପାଟଣା, ୨୮/୦୨ (ଜଗନ୍ନାଥ ନାଏକ) : ମମତା ହେଲଥ ଇନଷ୍ଟିଚ୍ୟୁଟ ଫର ମଦର ଆଣ୍ଡ ଚାଇଲଡ଼ ଅର୍ଗାନାଇଜେସନ ର ପ୍ରକଳ୍ପ ଜାଗୃତି ଦ୍ଵାରା ଲାଞ୍ଜିଗଡ ର ମୂଷା ନାଲ,କାନକୁଟ୍ରୁ, ପୋଖରୀ ବନ୍ଦ, ବନ୍ଧପାରିଏବଂ ଭବାନୀପାଟଣା ବ୍ଲକ ର ମାଲଗାଁ, ଶଗଡା, ଗୁଡ଼ିଆଲିପଦର୍, ଗଣନଥପୁର ଏବଂ ଭେଜିପଦର୍ ସରକାରୀ ଉଚ୍ଚ ବିଦ୍ୟାଳୟ ରେ ଷଷ୍ଠ ଶ୍ରେଣୀରୁ ଦଶମ ଶ୍ରେଣୀ ପର୍ଯ୍ୟନ୍ତ ପଢୁଥିବା ଛାତ୍ର ଛାତ୍ରୀ ମାନଙ୍କୁ ଜିବନ ସୁରକ୍ଷ୍ୟା କୌଶଳ ଉପରେ ଏକ ପ୍ରଶିକ୍ଷଣ ଦିଆଯାଇଥିଲା । ଏହି ପ୍ରଶିକ୍ଷଣ କାର୍ଯ୍ୟକ୍ରମ ରେ ଛାତ୍ରଛାତ୍ରୀ ନିଜ ସମସ୍ୟାର ସମାଧାନ କିପରି ନିଜେ କରିପାରିବେ ଏବଂ ଯୋଗାଯୋଗ ସହ ଆତ୍ମବିଶ୍ବାସ ବୃଦ୍ଧି ତତ ସହିତ ସଠିକ୍ ନିର୍ଣ୍ଣୟ ନେବାର କୌଶଳ ବିଭିନ୍ନ ଖେଳ ଓ ଶାରୀରିକ କାର୍ଯ୍ୟକଳାପ ଉପରେ ପିଲା ମାନଙ୍କୁ ପ୍ରଶିକ୍ଷଣ ଦିଆଯାଇଥିଲା।ଯେପରିକି ବଲ ପାସିଂ, ନମ୍ବର ଗଣିବା, ଇତ୍ୟାଦି ସାମିଲ ଅଟେ। ଏହି କାର୍ଯ୍ୟକ୍ରମ ରେ ପ୍ରାୟ ୭୦୦ରୁ ଉର୍ଦ୍ଧ ଛାତ୍ରଛାତ୍ରୀ ଙ୍କୁ ପ୍ରଶିକ୍ଷଣ ଦିଆଯାଇଥିଲା । ଏହା ଏକ ମହତ କାର୍ଯ୍ୟକ୍ରମ ଏହି ଭଳି କାର୍ଯକ୍ରମ କୁ କେବଳ କେତେଗୋଟି ସ୍କୁଲ ରେ ସୀମିତ ନରଖି ବ୍ଲକ ର ସମସ୍ତ ବିଦ୍ୟାଳୟ ରେ କରାଯିବା ଉଚିତ୍ ବୋଲି ଶିକ୍ଷକ ମାନେ ମତ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମ ରେ ପ୍ରଶିକ୍ଷକ ଭାବେ ପ୍ରିୟା ପ୍ରକାଶ ରାୟ ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ପ୍ରଶିକ୍ଷଣ ଦେଇଥିଲେ । ମମତା ସଂଗଠନର ଜିଲ୍ଲା ସଂଯୋଜିକା ବର୍ଷା ରାଣୀ ଦାଶ ଏବଂ ଅନ୍ୟ ସମସ୍ତ କାର୍ଯ୍ୟକର୍ତ୍ତା ମାନେ ଉପସ୍ଥିତ ରହି କାର୍ଯ୍ୟକ୍ରମ କୁ ସଫଳ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ତୁଳାଇଥିଲେ।
