ପ୍ରଦୀପ କୁମାର ନାୟକ13/04/2024 at 7:22 PM
ଚିପିଲିମା,ସମ୍ବଲପୁର ଜିଲ୍ଲା ଚିପିଲିମା ବଗବିରା ସ୍ଥିତ ଘଣ୍ଟେଶ୍ୱରୀ ମାଁଙ୍କ ଚଇତି ପୂଜା ପର୍ବ ଆସନ୍ତା ୨୩ ତାରିଖ ରେ ହେବାକୁ ନିର୍ଦ୍ଧାରିତ ହୋଇଥିବାବେଳେ, ଚୈତ୍ର ଶୁକ୍ଳ ଚତୁର୍ଥୀ ଶୁଭଲଗ୍ନ ରେ ମାଁଙ୍କ ଛତ୍ର ପାରମ୍ପରିକ ରୀତିନୀତି ରେ ପୀଠରୁ ବାହାରି ପରିକ୍ରମା ଅଭିମୁଖେ ବାହାରିସାରିଛି l ଏହି ଅବସରରେ ମନ୍ଦିର ମୁଖ୍ୟ ତଥା ବରିଷ୍ଠ ପୂଜକ ନୃପରାଜ ନାଏକଙ୍କ ଘରେ ମାଁଙ୍କ ଛତରକୁ ସୁସଜ୍ଜିତ କରି ସ୍ୱତନ୍ତ୍ର ପୂଜାର୍ଚ୍ଚନା ପରେ ପୂଜା ସାମଗ୍ରୀ ନେଇ ଗାଁ ବଢ଼ିଆଲ ବୁରେଇ ସ୍ଥିତ ମାଁଙ୍କ ଶକ୍ତି ପୀଠରେ ସ୍ୱତନ୍ତ୍ର ପୂଜାର୍ଚ୍ଚନାକରି ବରଣ ହୋଇଥିଲା l ତାପରେ ଶଙ୍ଖ, ଘଣ୍ଟ, ବାଜା ନେଇ ଛତର ଆସି ଘଣ୍ଟେଶ୍ୱରୀ ପୀଠରେ ପହଞ୍ଚିବା ପରେ ସେଠାରେ ପାରମ୍ପରିକ ରୀତିନୀତି ରେ ପୂଜାର୍ଚ୍ଚନା ପରେ ମାଁଙ୍କ ଶକ୍ତିପୁଞ୍ଜ ସ୍ୱରୂପ ଛତ୍ର ସହ ବିଶ୍ୱନାଥ ବାବାଙ୍କୁ ଧରି ଘଣ୍ଟ ଶଙ୍ଖ ଦୁଲୁଦୁଲି ଛତ୍ର ବାହାରିଥିବାବେଳେ, ଏନେଇ ପ୍ରଥମେ ତାଳପଦର ରେ ଭକ୍ତଙ୍କୁ ଦର୍ଶନ ଦେଇ ସେଠାରେ ରାତ୍ରି ରହଣି ପରେ ଗୋଶାଳା ପାପଡ଼େରା ଦେଇ ଗୋଶାଳା ଯିବ l କିଛି ଅସୁବିଧା ବଶତଃ ଏବର୍ଷ ବୁର୍ଲା ଅଞ୍ଚଳକୁ ମାଁଙ୍କ ଛତର ଯିବନାହିଁ ବୋଲି ବରିଷ୍ଠ ପୂଜକ ନୃପରାଜ ସ୍ଵଷ୍ଟ କରିଥିବାବେଳେ, ଗୋଶାଳା ଦେଇ ବସନ୍ତପୁର ସାହାଜବାହାଲ, ରୁପାପାଲି, ସାତୁପାଲି, ଚାରପାଲି ଦେଇ ଚିପିଲିମା ପହଞ୍ଚି ଚିପିଲିମାରେ ଘରେ ମାଁ ପୂଜାପାଇବେ ବୋଲି କହିଛନ୍ତି l ପ୍ରତ୍ୟେକ ସ୍ଥାନରେ ଭକ୍ତମାନେ ମାନସିକ ରଖି ମାଁଙ୍କ ଛତର ଦର୍ଶନ କରୁଥିବାବେଳେ, ଭକ୍ତଙ୍କ ମନୋକାମନା ମାଁ ପୂରଣ କରିଥାନ୍ତି l ଚୈତ୍ର ପୂର୍ଣ୍ଣିମା ପୂର୍ବଦିନ ମାଁ ମନ୍ଦିରକୁ ପ୍ରତ୍ୟାବର୍ତନ କରିଥାନ୍ତି l ଛତର ଯାତ୍ରା ରେ ପୂଜକ ଗୋବିନ୍ଦ ନାଏକ, କିଶନ ଦେହୁରୀ, ପୂଜକ ଗୋପୀନାଥ ପ୍ରମୁଖ ନିୟୋଜିତ ରହିଛନ୍ତି l ପ୍ରକାଶ ଥାଉକି ପୂର୍ଣ୍ଣିମା ଦିନ ମାଁଙ୍କ ବାର୍ଷିକ ଚଇତି ପର୍ବ ସାହସ୍ରାଧିକ ଭକ୍ତଙ୍କ ସମାଗମ ମଧ୍ୟରେ ଅନୁଷ୍ଠିତ ହୋଇଥାଏ l ଏଥର ଆସନ୍ତା ୨୩ ରେ ଚଇତି ପର୍ବ ହେବ ବୋଲି ଟ୍ରଷ୍ଟ ପକ୍ଷ୍ୟରୁ କୁହାଯାଇଛି l