ଓଡ଼ିଶା ଡଟ୍ ନ୍ୟୁଜ୍

12/07/2024 at 4:15 PM

ଯାଜପୁର: ମୃତ୍ତିକା ସଂରକ୍ଷଣ କେନ୍ଦ୍ର ପରିସରରୁ ଅଧିକାରୀଙ୍କ ଝୁଲନ୍ତା ମୃତଦେହ ଉଦ୍ଧାର । ମୃତକ ହେଲେ ମୃତକ ସଏଲ କଞ୍ଜରଭେସନ ଓଭରସିଅର ଅଫିସର ସୁରେଶ ମଲ୍ଲିକ । ଦୁଇଦିନ ଧରି ସେ ଅଫିସକୁ ଆସି ନଥିବା ବେଳେ ଆଜି ସକାଳୁ କାର୍ଯ୍ୟାଳୟ ପରିସରରେ ଏକ ଗଛରୁ ଝୁଲନ୍ତା ମୃତଦେହ ଉଦ୍ଧାର ହୋଇଛି । ସୁରେଶଙ୍କ ଘର କେନ୍ଦ୍ରାପଡ଼ା ଜିଲ୍ଲା ଅହମ୍ମଦପୁର ଅବଦଲପୁର ଗାଁରେ ।
ୱାଚମ୍ଯାନଙ୍କ କହିବା ଅନୁସାରେ ପୂର୍ବରୁ ଦେହ ଖରାପ ପାଇଁ ସୁରେଶ ଔଷଧ ଖାଉଥିଲେ । ଗତ ଦୁଇଦିନ ଧରି ସେ ଅଫିସ ଆସୁ ନଥିଲେ । ଆଜି ସକାଳୁ ଅଫିସ ଆଗରେ ତାଙ୍କ ଗାଡ଼ି ଥୁଆ ହୋଇଥିବା ବେଳେ ଗେଟ୍ ଖୋଲିବାରୁ ତାଙ୍କ ଝୁଲନ୍ତା ମୃତଦେହ ଦେଖିବାକୁ ପାଇଥିଲେ ।
ଘଟଣାସ୍ଥଳରେ ଟାଉନ ଥାନା ପୋଲିସ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ କରୁଛି । କେଉଁ କାରଣ ପାଇଁ ସୁରେଶ ଏପରି ଚରମ ନିଷ୍ପତ୍ତି ନେଇଛନ୍ତି ସେନେଇ ପଚରାଉଚରା କରାଯାଉଛି । କାର୍ଯ୍ୟକ୍ଷେତ୍ରରେ କୌଣସି ଚାପ ଏବଂ ପାରିବାରିକ ସମ୍ପର୍କ ବିଷୟରେ ଅନୁଧ୍ଯାନ କରାଯାଉଛି । ତଦନ୍ତ ପରେ ଆତ୍ମହତ୍ଯାର କାରଣ ସ୍ପଷ୍ଟ ହେବ ବୋଲି ପୋଲିସ କହିଛି ।