ସୌମିତ୍ରି ମେହେର12/07/2024 at 6:37 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା କୋଟସମଲାଇ ସ୍ଥିତ ପାତାଳି ଶ୍ରୀକ୍ଷେତ୍ରରେ ଆଜି ପର୍ଶୁରାମ ବେଶରେ ମହାପ୍ରଭୁଙ୍କୁ ଦର୍ଶନ କରି ଆତ୍ମ ବିଭୋର ହୋଇଛନ୍ତି ଶ୍ରଦ୍ଧାଳୁ ଭକ୍ତ । ବହୁ ଉତ୍ସାହର ସହିତ ଦିନ ସାରା ରାଜ୍ୟ ର ବିଭିନ୍ନ ପ୍ରାନ୍ତରୁ ଆସୁଥିବା ଦର୍ଶନାର୍ଥି ମହାପ୍ରଭୁ ଙ୍କ ଏହି ପାବନ କ୍ଷେତ୍ର ରେ ପହଞ୍ଚି ନିଜକୁ ଧନ୍ୟ ମଣିଛନ୍ତି। ଘଣ୍ଟ , ଶଙ୍ଖ , ସଂକୀର୍ତ୍ତନ , ହରିବୋଲ , ହୁଳହୁଳି ଶବ୍ଦରେ ପ୍ରକମ୍ପିତ ହେବାସହ ଭଜନ ଜଣାଣ ରେ ଏକ ଭକ୍ତିମୟ ପରିବେଶ ସୃଷ୍ଟି ହୋଇଛି ସମଗ୍ର ପାତାଳି ଶ୍ରୀକ୍ଷେତ୍ର । ଶୁକ୍ରବାର ପ୍ରଭୂଙ୍କ ବେଶକାର ଭାବରେ ନିରଞ୍ଜନ ପାଢ଼ୀ , ଗୁଣାକର ପଣ୍ଡା ଥିବାବେଳେ ଭଜନ ସମାରୋହ ରେ ବିଜୟ କୁମାର୍ ହୋତା , ଅଚ୍ୟୁତାନନ୍ଦ କୁରକୁରିଆ , ବିଦ୍ୟା ସେଠୀ , ନରେନ୍ଦ୍ର ବାଘ , ପଞ୍ଚାନନ ମନ୍ତ୍ରା , ଜାନକୀ ରାମ ଦେହୁରୀ , ସତ୍ୟନାରାୟଣ ପୁରୋହିତ , ଇପ୍ସିତା ପ୍ରିୟଦର୍ଶିନୀ , ଗାର୍ଗୀ ପ୍ରମୁଖ କଳାକାରମାନେ ଯୋଗଦେଇ ଥିଲେ ।