ବଜେଟରେ ବଡ ଘୋଷଣା, ଏକ କୋଟି ଯୁବକଙ୍କୁ ପ୍ରତି ମାସରେ ମିଳିବ ୫୦୦୦ ଟଙ୍କା ସ୍କୋଲାରଶିପ

ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ମୋଦୀ ସରକାରଙ୍କ ତୃତୀୟ କାର୍ଯ୍ୟକାଳର ପ୍ରଥମ ବଜେଟ୍ ଆଗତ କରିଛନ୍ତି । ଏହି ବଜେଟ୍ କୃଷକଙ୍କଠୁ ନେଇ ଯୁବ ଏବଂ ମହିଳାଙ୍କ ଉପରେ କେନ୍ଦ୍ରିତ ରହିଛି । ରୋଜଗାରଠୁ ନେଇ କୃଷି ପର୍ଯ୍ୟନ୍ତ ବଜେଟରେ ୯ ପ୍ରାଥମିକତା ଦେଇଛନ୍ତି । ବଜେଟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଡ ଘୋଷଣା କରିଛନ୍ତି । ଏକ କୋଟି ଯୁବକଙ୍କ ପାଇଁ ଖୁସି ଖବର ଆଣିଛି ଏହି ବଜେଟ୍ ।

ସୀତାରମଣ କହିଛନ୍ତି, ଦେଶର ବଡ ବଡ କମ୍ପାନୀଗୁଡିକରେ ଯୁବକଙ୍କୁ ଟ୍ରେନିଂ ଦିଆଯିବ । ସେଥିପାଇଁ ପ୍ରତି ମାସରେ ଏହି ସବୁ ଯୁବକମାନଙ୍କୁ ୫ ହଜାର ଟଙ୍କାର ମାସିକ ଭତ୍ତା ମିଳିବ । ଏହି ମାସିକ ଭତ୍ତା ପ୍ରଧାନମନ୍ତ୍ରୀ ଇଣ୍ଟର୍ଣ୍ଣଶିପ ଯୋଜନା ଆଧାରରେ ଯୁବକଙ୍କୁ ୧୨ ମାସ ପର୍ଯ୍ୟନ୍ତ ଏହି ସ୍କୋଲାରସିପ ମିଳିବ । ତେବେ ଦେଶର ବଡ ବଡ କମ୍ପାନୀଗୁଡିକୁ ଆଗାମୀ ୫ ବର୍ଷରେ ଏକ କୋଟି ଯୁବକଙ୍କୁ ଟ୍ରେନିଂ ଦିଆଯିବ ।

ପ୍ରଧାନମନ୍ତ୍ରୀ ଇଣ୍ଟର୍ଣ୍ଣଶିପ ଯୋଜନା କେବଳ ୧୨ ମାସ ପାଇଁ ରହିବ । ଏହାରି ଆଧାରରେ ଯୁବକଙ୍କୁ କେବଳ ୧୦ ପ୍ରତିଶତ ଇଣ୍ଟର୍ଣ୍ଣଶିପର ଖର୍ଚ୍ଚ ଉଠାଇବାକୁ ପଡିବ । ସରକାରଙ୍କ ପକ୍ଷରୁ ମାସିକ ୫୦୦ ହଜାର ଟଙ୍କା ସ୍କୋଲାରଶିପ ମିଳିବ । ଏହି ଯୋଜନାରେ ଯେ କୌଣସି ଯୁବକ ଲାଭ ଉଠାଇ ପାରିବେ । ଦେଶର ଏକ କୋଟି ଯୁବକଙ୍କୁ ଏହାର ଲାଭ ମିଳିବ ।