ଓଡ଼ିଶା ଡଟ୍ ନ୍ୟୁଜ୍

6/08/2024 at 12:22 PM

ଆନନ୍ଦପୁର: କେନ୍ଦୁଝର ଜିଲ୍ଲା ଆନନ୍ଦପୁର ସହର ଦେଇ ଯାଇଥିବା ୨୦ ନମ୍ବର ଜାତୀୟ ରାଜପଥର ଶୈଲଙ୍ଗ ଓଭର ବ୍ରିଜରେ ଏକ କାର ଦୁର୍ଘଟଣା ଗ୍ରସ୍ତ ହୋଇ ତଳକୁ ଖସି ପଡ଼ିଛି । ଫଳରେ କାରରେ ଥିବା ମହିଳା ଡାକ୍ତର ଗୁରୁତର ଆହତ ହୋଇଛନ୍ତି । ତାଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି । ଆହତ ଡାକ୍ତର ହେଲେ ଶୁଭଶ୍ରୀ ମିଶ୍ର ।

ଗତକାଲି ଶୁଭଶ୍ରୀ ନିଜେ କାର୍ ଚଳାଇ କଟକରୁ କେନ୍ଦୁଝର ଡାକ୍ତରଖାନାକୁ ଯାଉଥିଲେ । ଶୈଲଙ୍ଗ ଓଭର ବ୍ରିଜରେ କାର୍‌ଟି ଭାରସାମ୍ୟ ହରାଇ ତଳକୁ ଖସି ପଡ଼ିଥିଲା । ସ୍ଥାନୀୟ ଲୋକେ ଡାକ୍ତରଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ଚିକିତ୍ସା ପରେ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଜଣାଯାଇଛି । ପୋଲିସ ଗାଡ଼ିକୁ ଜବତ କରି ଘଟଣାର ତଦନ୍ତ କରୁଛି । ଗାଡ଼ିରେ ମହିଳା ଡାକ୍ତର ଏକା ଥିବା ଜଣାଯାଇଛି ।