ଓଡ଼ିଶା ଡଟ୍ ନ୍ୟୁଜ୍

10/08/2024 at 11:19 AM

ଭଦ୍ରକ: ଭଦ୍ରକ ରେଳ ଷ୍ଟେସନରୁ ଗୁରୁତର ଅବସ୍ଥାରେ ଜଣେ ଯୁବକ ଉଦ୍ଧାର । ପ୍ରଥମେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ଏସସିବି ସ୍ଥାନାନ୍ତର କରାଯାଇଛି । ଯୁବକ ଜଣଙ୍କ ହେଉଛନ୍ତି ଭଦ୍ରକ ଵ୍ଲକ ବନ୍ଧଗାଁ ପଞ୍ଚାୟତର ରୁପକ ରାଉତ । ସେ ଯାଜପୁରରେ ଠିକା ସଂସ୍ଥାରେ କାର୍ଯ୍ୟ କରନ୍ତି ।
ରୁପକ ପ୍ରତଦିନ ନିଜ ଅଫିସ ଟ୍ରେନ ଯୋଗେ ଯିବା ଆସିବା କରନ୍ତି । ଗତକାଲି ରାତିରେ ଭଦ୍ରକ ରେଳ ଷ୍ଟେସନର ୧ ନମ୍ବର ପ୍ଲାଟଫର୍ମରେ ଗୁରୁତର ଅବସ୍ଥାରେ ରୁପକ ପଡ଼ିଥିବା ସ୍ଥାନୀୟ ଲୋକେ ଦେଖି ପୋଲିସକୁ ଖବର ଦେଇଥିଲେ ।
ରେଳବାଇ ପୋଲିସ ସୂଚନା ଅନୁଯାୟୀ, ଦୁଇ ତିନି ଜଣ ଯୁବକ ୧ ନମ୍ବର ପ୍ଲାଟଫର୍ମରେ ଗଣ୍ଡଗୋଳ ସହ ବାଡିଆ ପିଟା ଲାଗିଥିଲେ । ରୁପକଙ୍କୁ କିଛି ଯୁବକ ମାଡ଼ ମାରି ତଳେ ପକାଇ ଦେଇଥିବା ସ୍ଥାନୀୟ ଲୋକ ଆସି ଅମାକୁ କହିଥିଲେ । ଘଟଣାସ୍ଥଳରେ ଯୁବକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲୁ ।