ଓଡ଼ିଶା ଡଟ୍ ନ୍ୟୁଜ୍

12/08/2024 at 4:00 PM

ନବରଙ୍ଗପୁର: ଶ୍ରାମବ ଚତୁର୍ଥ ସୋମବାରରେ ମହାଦେବଙ୍କୁ ଜଳାଭିଶେକ କରିବାକୁ ଯାଇଥିଲେ ଦମ୍ପତି । ହେଲେ ଫେରିବା ବାଟରେ ଦମ୍ପତିଙ୍କ ଉପରେ ମାଡ଼ିଗଲା ଟ୍ରକ୍ । ଘଟଣା ସ୍ଥଳରେ ଉଭୟଙ୍କ ମୃତ୍ୟୁ ଘଟିଥିବା ବେଳେ ମହାଦେବଙ୍କ କୃପାରୁ ସେମାନଙ୍କ ୯ ବର୍ଷର ପୁଅ ବଞ୍ଚି ଯାଇଛି । ଘଟଣା ଘଟିଛି ନବରଙ୍ଗପୁର ଜିଲ୍ଲା କୁନ୍ଦେଇ ଥାନା ଅନ୍ତର୍ଗତ ରାବଣାଗୁଡ଼ା ଛକ ନିକଟରେ ।
ଆଜି ସକାଳେ ଦମ୍ପତି ଓ ତାଙ୍କ ପୁଅ ବାଇକ୍ ଯୋଗେ ଶିବ ମନ୍ଦିରକୁ ଯାଇଥିଲେ। ସେଠାରେ ମହାଦେବଙ୍କ ଉପରେ ପାଣି ଢାଳି ପୂଜାର୍ଚ୍ଚନା ସାରି ଘରକୁ ଫେରୁଥିଲେ । ରାବଣାଗୁଡ଼ା ଛକ ନିକଟରେ ଦମ୍ପତିଙ୍କୁ ଟ୍ରକ୍‌ଟି ଧକ୍କା ଦେଇଥିଲା । ଫଳରେ ସେମାନେ ଛିଟିକି ପଡ଼ିଥିଲେ । ଏହି ସମୟରେ ଟ୍ରକଟି ଉଭୟଙ୍କ ଉପରେ ଚଢ଼ି ଯାଇଥିଲା । ଯାହା ଦ୍ବାରା ସେମାନଙ୍କ ଜୀବନ ଚାଲିଯାଇଥିଲା । ତେବେ ଦୁର୍ଘଟଣାରୁ ସେମାନଙ୍କ ପୁଅ ଅଳ୍ପକେ ବର୍ତ୍ତି କଯାଇଛି । ତାକୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି ।
ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହାସହ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।