ସୌମିତ୍ରି ମେହେର12/08/2024 at 7:09 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ କୋଟସମଲାଇ ସ୍ଥିତ ଶିବ ମନ୍ଦିର ଠାରେ ଶ୍ରାବଣ ମାସ ଚତୁର୍ଥ ସୋମବାର ଅବସରରେ ଶ୍ରୀ ଶ୍ରୀ ଗୁପ୍ତେଶ୍ୱର ବାବା ବୋଲବମ ସଂଘ କୋଟସମଲାଇ ଆନୁକୂଲ୍ୟରେ ଆଜି ମହା କ୍ଷୀରସାୟୀ ଉତ୍ସବ ଅନୁଷ୍ଠିତ ହୋଇଯାଇଛି । ଦିନ ୧୧.୩୦ମି ସମୟରେ ମହା କ୍ଷୀରସାୟୀ ଆରମ୍ଭ ହେଇଥିଲା । ଏହି ଅବସରରେ ସୁନ୍ଦରାକାଣ୍ଡ ପାରାୟଣ ଗାୟିକା ସୁଶ୍ରୀ ବର୍ଷାରାଣୀ ତ୍ରିପାଠୀ ଙ୍କ ଦ୍ଵାରା ଅନୁଷ୍ଠିତ ହୋଇଥିଲା। ଏହି ଅବସରରେ ସକାଳୁ ମହାଦେବଙ୍କ ଠାରେ ପୂଜାର୍ଚ୍ଚନା ସହ କ୍ଷୀରଶାୟୀ ଆରମ୍ଭ ହୋଇଥିଲା । ମହାଦେବ ଙ୍କ ଠାରେ ୧୦୦୦ଲିଟର କ୍ଷୀର ରେ କ୍ଷୀରସାୟୀ କରାଯାଇଥିଲା। ପୂଜାର୍ଚ୍ଚନା , ହୋମ , ଯଜ୍ଞ , ମହାଦେବଙ୍କ ଠାରେ କ୍ଷୀରଶାୟୀ ଉତ୍ସବ , ଠାକୁରଙ୍କ ମାର୍ଜନା , ଲିଙ୍ଗାଭରଣ ଆଳତୀ, ପ୍ରସାଦସେବନ , ସୁନ୍ଦରାକାଣ୍ଡ ପାରାୟଣ , ବିଭିନ୍ନ ଅନୁଷ୍ଠାନ ରୁ ଭୋଗ ବଣ୍ଟନ ଆଦି କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏଥିରେ ମୁଖ୍ୟ ପୂଜକ ଭାବରେ ଲକ୍ଷ୍ମଣ ନାୟକ ଓ ସହଯୋଗୀ ସୁରେଶ ନାୟକ, ରାହୁଲ ନାୟକ ଓ କର୍ତ୍ତା ଭାବରେ ବିନୋଦ ଉଡାନ୍ , କୁନି ଉଡାନ୍ ଓ ରେଣୁକା ଦନାୟକ, ସଂଜୀବ ଦନାୟକ ଓ ହିମାଂଶୁ ଠାକୁର କାର୍ଯ୍ୟ ସମ୍ପାଦନ କରିଥିଲେ। ଏହି ଆଧ୍ୟାତ୍ମିକ ପରିବେଶ ରେ ମହାସମାରୋହରେ ମହାଦେବ ଙ୍କ ଠାରେ ମହା କ୍ଷୀରସାୟୀ ଉତ୍ସବ ପାଳନ କରାଯାଇଥିଲା। ଏ ଅବସରରେ ଦୂର ଦୂରଦୂରାନ୍ତରୁ ପ୍ରଭୁ କୃପା ପାଇଁ ହଜାର ହଜାର ଭକ୍ତ ଧାଇଁ ଆସି ମହାଦେବଙ୍କୁ ଦର୍ଶନ କରିଥିଲେ ।