ଓଡ଼ିଶା ଡଟ୍ ନ୍ୟୁଜ୍13/08/2024 at 2:10 PM
ବାରିପଦା: ଜଙ୍ଗଲରେ ଲାଗିଥିବା ଟ୍ରାପ୍ କ୍ୟାମେରାରେ କଏଦ ହେଲେ ଶିକାରୀ । ଚିହ୍ନଟ ପରେ ବାନ୍ଧିଲା ବନ ବିଭାଗ । ଶିମିଳିପାଳ ଅଭୟାରଣ୍ୟର ପିଠାବଟା ରେଞ୍ଜରେ ଲାଗିଥିବା କ୍ୟାମେରାର ଫଟୋ ଆଧାରରେ ୩ ଜଣଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତମାନେ ହେଲେ ଶ୍ରୀମତ ମାଝି, କାରୁ ହାଂସଦା ଏବଂ ବୁଧନ ମାଝି । ସମସ୍ତଙ୍କ ଘର ମୟୂରଭଞ୍ଜ ଜିଲ୍ଲା ବଡ଼ସାହି ଥାନା ଅଞ୍ଚଳରେ ।
ତିନି ଅଭିଯୁକ୍ତଙ୍କୁ ବନ୍ୟଜନ୍ତୁ ସୁରକ୍ଷା ଆଇନ ୧୯୭୨ର ବିଭିନ୍ନ ଧାରା ଅନୁଯାୟୀ ଗିରଫ କରାଯାଇଛି । ଗିରଫ ବେଳେ ଅଭିଯୁକ୍ତମାନଙ୍କ ଘରୁ ଦୁଇଟି ଖାଲି ବନ୍ଧୁକ, ଗୋଟିଏ ଲୋଡ ହୋଇଥିବା ବନ୍ଧୁକ, ଆଧା ତିଆରି ହୋଇଥିବା ବନ୍ଧୁକ, ୭୦ଟି କୋଚିଲାଖାଇ ପକ୍ଷୀ ପର ଓ ନଖ, ସମ୍ବର ଓ ହରିଣ ଶିଙ୍ଘ, ୮ଟି ଧନୁତୀର, ବାରୁଦ ଓ ତିଆରି ହୋଇଥିବା ଗୁଳି ଜବତ କରାଯାଇଛି । ଅନ୍ୟ ଅଭିଯୁକ୍ତଙ୍କୁ ଧରିବା ପାଇଁ ଅନୁସନ୍ଧାନ ଚାଲିଥିବା କହିଛନ୍ତି ଶିମିଳିପାଳ ଉପ ନିର୍ଦ୍ଦେଶକ ।