ଓଡ଼ିଶା ଡଟ୍ ନ୍ୟୁଜ୍

20/08/2024 at 7:48 PM

ପୁରୀ: ପୁରୀ ବେଳାଭୂମିରୁ ଗୋଟିଏ ମଣିଷ ଖପୁରୀ ସହ ଶରୀରର ବିଭିନ୍ନ ଅଂଶ ଜବତ କରାଯାଇଛି । ଗତକାଲି ବିଳମ୍ବିତ ରାତିରେ ବେଳାଭୂମି ନିକଟରେ ଥିବା ଷ୍ଟର୍ଲିଙ୍ଗ ହୋଟେଲ ରାସ୍ତା ପାଖରୁ ଏହାକୁ ଜବତ କରାଯାଇଛି । ଖପୁରୀଟି ଏକ ପୁରୁଷର ବୋଲି ପିନ୍ଧିଥିବା ସାର୍ଟରୁ ଅନୁମାନ କରାଯାଉଛି । ଏହି ମୃତ ଦେହଟି ବଳିଆପଣ୍ଡା ଥାନା ଅଞ୍ଚଳରେ ପଡିଥିଲା । ବଳିଆପଣ୍ଡା ଥାନା ପୋଲିସ ଖପୁରୀ ଓ ଶରୀର ଅଂଶ ବିଶେଷକୁ ଜବତ କରି ଶ୍ରୀଜଗନ୍ନାଥ ମେଡିକାଲ କଲେଜର ଏଫଏମଡି ଡିପାର୍ଟମେଣ୍ଟକୁ ପଠାଯାଇଛି । ରିପୋର୍ଟ ଆଧାରରେ ତଦନ୍ତ କରାଯିବ ।
ମୃତଦେହଟି କାହାର ତାହା ଜଣାପଡିନାହିଁ । ମୃତ ଦେହର ପରିଚୟ ଖୋଜିବା ପୁରୀ ପୋଲିସ ପାଇଁ ଏକ ବଡ଼ ଚାଲେଞ୍ଜ ହୋଇଛି ।