ସୌମିତ୍ରି ମେହେର24/08/2024 at 3:43 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ମୁର୍ଷୁଣ୍ଢି ପଞ୍ଚାୟତ ଅନ୍ତର୍ଗତ ଯୁଧିଷ୍ଠିରପୁର ଗ୍ରାମର ରାଜୁ ବାଦୀଙ୍କ ସ୍ତ୍ରୀ ଘରେ ରୋଷେଇ କରିବା ସମୟରେ ଶୁକ୍ରବାର ଗ୍ୟାସ ସିଲିଣ୍ଡରରେ ନିଆଁ ଲାଗି ଯାଇଥିଲା । ଏଥିରେ ଏକ ମୋବାଇଲ ଫୋନ୍, ହେଲମେଟ ସମେତ କିଛି ଶାଢ଼ୀ ଓ ଅନେକ ଘରୋଇ ଆସବାବପତ୍ରର କ୍ଷତି ହୋଇଥିବା ଜଣାପଡ଼ିଛି। ଘରର ଛାତ ମଧ୍ୟ ଫାଟି ଯାଇଥିବା ଜଣାପଡ଼ିଛି। ପରିବାର ଲୋକେ ପ୍ରଥମେ ନିଆଁ ଲିଭାଇବାକୁ ଉଦ୍ୟମ କରିଥିଲେ ହେଁ ତହିଁରେ ବିଫଳ ହେବାରୁ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ସ୍ଥାନୀୟ ଅଗ୍ନିଶମ ଅଧିକାରୀ ଭରତଲାଲ ଏକ୍କାଙ୍କ ନେତୃତ୍ବରେ ବିଭାଗୀୟ କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଥିଲେ । ସ୍ଥାନୀୟ ରାଜସ୍ବ ନୀରିକ୍ଷକ ଘଟଣାସ୍ଥଳ ପରିଦର୍ଶନ କରିଥିବା ଜଣାପଡ଼ିଛି । ଉକ୍ତ ପରିବାର ଅଳ୍ପକେ ରକ୍ଷା ପାଇଯାଇ ଥିବାବେଳେ ପ୍ରଶାସନ ଶୀଘ୍ର ସରକାରୀ ସହାୟତା ଯୋଗେଇ ଦେବାକୁ ଦାବି ହୋଇଛି।