ପ୍ରଦୀପ କୁମାର ନାୟକ26/08/2024 at 8:25 PM
ଚିପିଲିମା, ଅଗଷ୍ଟ ୨୩ତାରିଖକୁ ଜାତୀୟ ମହାକାଶ ଦିବସ ଭାବରେ ପାଳନ କରାଯାଉଥିବାବେଳେ, ବୁର୍ଲା ସ୍ଥିତ ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟ (ଭିସୁଟ )ରେ ଜାତୀୟ ମହାକାଶ ଦିବସ ମହାସମାରୋହରେ ପାଳିତ ହୋଇଯାଇଛି l ଏହି ଅବସରରେ ଭିସୁଟର ଇ ଲାର୍ନିଙ୍ଗ ସେଣ୍ଟରରେ “ଚନ୍ଦ୍ରକୁ ଛୁଇଁବା ସମୟରେ ଜୀବନକୁ ଛୁଇଁବା :ଭାରତର ସ୍ପେସ ସାଗା “ଥିମ ସହିତ ଜାତୀୟ ମହାକାଶ ଦିବସ ପାଳନ କରିଥିଲା l ବିଭିନ୍ନ ବିଦ୍ୟାଳୟର ଛାତ୍ରମାନେ ଉତ୍ସାହର ସହ ଅଂଶଗ୍ରହଣ କରି ମହାକାଶର ଚମତ୍କାରୀତା ଓ ମହାକାଶ ଅନୁସନ୍ଧାନରେ ଭାରତର ଅବଦାନକୁ ଉତ୍ସାହିତ କରି ଏହି କାର୍ଯ୍ୟକ୍ରମକୁ ଚିନ୍ହିତ କରାଯାଇଥିଲା l ଆଇଡ଼ିଆ ଇନୋଭେସନ ସେଲ ଦ୍ୱାରା ଆୟୋଜିତ ଏକ ଇଣ୍ଟରାକ୍ଟିଭ ପ୍ରଦର୍ଶନୀ, ସ୍କୁଲ ଛାତ୍ରଛାତ୍ରୀଙ୍କ ଆଗମନ ସହିତ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା l ଏହି ପ୍ରଦର୍ଶନୀ ରେ ଭିସୁଟ ସାଟେଲାଇଟ ଲଞ୍ଚ ଯାନ (ଭିଏସଏଲଭି ), ଆରସି ବିମାନ, ଷ୍ଟାଟିକ ଷ୍ଟାଣ୍ଡ,ୱାଟର ରକେଟ, କାନସଟ ଏବଂ ଏକ ଗ୍ରାଉଣ୍ଡ କଣ୍ଟ୍ରୋଲ ଷ୍ଟେସନ ଭଳି ଅଭିନଵ ପ୍ରକଳ୍ପ ପ୍ରଦର୍ଶନ ହୋଇଥିଲା l ଆୟୋଜିତ ଉତଘାଟନୀ ଉତ୍ସବରେ ମାନ୍ୟବର କୁଳପତି ପ୍ରଫେସର ଡକ୍ଟର ବିଭୁତି ଭୁଷଣ ପତି ଯୋଗଦାନ କରି ଉତ୍ସାହିତ କରିଥିଲେ l ପରେ ଭିସୁଟର ରେଜିଷ୍ଟାର ପ୍ରଦୀପ ଡାଙ୍ଗ ଦର୍ଶକଙ୍କ ସହ ତାଙ୍କର ମୂଲ୍ୟବାନ ଜ୍ଞାନ ବାଣ୍ଟିଥିଲେ l ବୀର ସୁରେନ୍ଦ୍ର ସାଏ ସ୍ପେସ ଇନୋଭେସନ ସେଣ୍ଟରର ସଂଯୋଜକ ପ୍ରଫେସର ଡକ୍ଟର ହରିଶ କୁମାର ସାହୁ ଭାରତର ମହାକାଶ ପ୍ରଯୁକ୍ତିବିଦ୍ୟା ବିଷୟରେ ଏକ ସଂକ୍ଷିପ୍ତ ସମୀକ୍ଷା କରିଥିବାବେଳେ, ମହାକାଶ ଅନୁସନ୍ଧାନ କ୍ଷେତ୍ରରେ ଛାତ୍ରମାନଙ୍କୁ ଉତ୍ସାହିତ କରିଥିଲେ l କାର୍ଯ୍ୟକ୍ରମର ମୁଖ୍ୟ ଆକର୍ଷଣ ଥିଲା ମହାକାଶ ବିଜ୍ଞାନରେ ତାଙ୍କର ଅଭିନଵ ଅବଦାନ ପାଇଁ ନାସା ଦ୍ୱାରା ସ୍ୱୀକୃତିପ୍ରାପ୍ତ ଏକ ଛୋଟ ଶିଶୁ ଭେଙ୍କଟ ପଟ୍ଟନାୟକଙ୍କ ବିଶେଷ ଉପସ୍ଥାପନା l ଭେଙ୍କଟ ତାଙ୍କର ଯାତ୍ରା, ସଫଳତା ଏବଂ ଆକାଂକ୍ଷା ବାଣ୍ଟିଥିବାବେଳେ, ଛାତ୍ରଛାତ୍ରୀମାନଙ୍କୁ ସେମାନଙ୍କର ସ୍ବପ୍ନକୁ ଅଦମ୍ୟ ନିଷ୍ଠା ସହିତ ଅନୁସରଣ କରିବାକୁ ପ୍ରେରଣା ଦେଇଥିଲେ l ଆୟୋଜିତ କାର୍ଯ୍ୟକ୍ରମରେ ଆଇଏସଆରଓ, ଭିଏସଏଲଭି ପ୍ରକଳ୍ପ ଏବଂ କାନସଟର ଇତିହାସ ଏବଂ ସଫଳତା ପ୍ରଦର୍ଶନ କରୁଥିବା ଏକ କ୍ଷୁଦ୍ର ଭିଡିଓ ଉପସ୍ଥାପନା ମଧ୍ୟ ପ୍ରଦର୍ଶନ ହୋଇଥିଲା l କାର୍ଯ୍ୟକ୍ରମ ଶେଷରେ ଡକ୍ଟର ସୁଧାଂଶୁ ରଞ୍ଜନ ସାହୁ ଧନ୍ୟବାଦ ଅର୍ପଣ କରିଥିଲେ l