ଓଡ଼ିଶା ଡଟ୍ ନ୍ୟୁଜ୍31/08/2024 at 11:30 AM
ମାଲକାନକିରି: ଯବାନଙ୍କୁ ଟାର୍ଗେଟ କରି ମାଓବାଦୀ ଖଞ୍ଜିଥିଲେ ଲ୍ୟାଣ୍ଡମାଇନ । ଯୋଜନା ଥିଲା ବଡ଼ ଧରଣର ଧମାକା କରି ଯବାନୀଙ୍କୁ ହତ୍ୟା କରିବା । ହେଲେ ଭାରତୀୟ ସେନାର ସନ୍ଧାନୀ କୁକୁର କଲେ କମାଲ । ଲୁକ୍କାୟିତ ଭାବେ ଥିବା ଏମିତି ୩ଟି ଲ୍ୟାଣ୍ଡମାଇନକୁ ସୁଙ୍ଘି ସୁଙ୍ଘି କଲେ ଠାବ । ପରେ ଏସବୁ ଲ୍ୟାଣ୍ଡମାଇନଙ୍କୁ ନିଷ୍କ୍ରିୟ କରିଦିଆଯାଇଛି । ଆଉ ସନ୍ଧାନୀ କୁକୁରଙ୍କ ବିଚକ୍ଷଣ କାମ ପାଇଁ ଯବାନଙ୍କ ଜୀବନ ବଞ୍ଚି ଯାଇଛି ।
ଯବାନଙ୍କୁ ହତ୍ୟା କରିବାକୁ ମାଓବାଦୀମାନେ ମାଲକାନଗିରି ସୀମାନ୍ତ ଛତିଶଗଡ଼ର ବିଜପୁର ଜିଲ୍ଲାର ପେଦ୍ଦଗେଲୁର ଅଞ୍ଚଳରେ ଏହି ଷଡଯନ୍ତ୍ର ରଚିଥିଲେ । ମିଳିଥିବା ସୂଚନା ଅନୁସାରେ, ପେଦ୍ଦଗେଲୁର ଅଞ୍ଚଳରେ ସିଆରପିଏଫ ଯବାନ ସର୍ଚ୍ଚ ଅପେରସନ କରୁଥିଲେ । ହେଲେ ସୁରକ୍ଷାକର୍ମୀଙ୍କୁ ଟାର୍ଗେଟ କରି ଭିନ୍ନ ଭିନ୍ନ ସ୍ଥାନରେ ମାସବାଦୀ ୩ଟି ଲ୍ୟାଣ୍ଡମାଇନ ଖଞ୍ଜିଥିଲେ । ସିଆରପିଏଫର ସନ୍ଧାନୀ କୁକୁର ଏହାକୁ ଚିହ୍ନଟ କରିବା ପରେ ସେଗୁଡିକୁ ନିଷ୍କ୍ରିୟ କରିଦିଆଯାଇଛି ।