ଓଡ଼ିଶା ଡଟ୍ ନ୍ୟୁଜ୍11/09/2024 at 11:33 AM
ଭୁବନେଶ୍ବର: ପାର୍ବଣ ପୂର୍ବରୁ ହାର୍ଡକୋର ଅପରାଧୀଙ୍କ ଉପରେ କମିଶନରେଟ ପୋଲିସର ଆକ୍ସନ । କୁଖ୍ୟାତ ଅପରାଧୀ ଆର. ଉଦୟ କିରଣ ଓରଫ ଆବୁରୁକୁ ତଡିପାର କଲା କମିଶନରେଟ ପୋଲିସ । ଲକ୍ଷ୍ମୀସାଗର ଥାନା ମୋଚି ସାହିର ଆବୁରୁକୁ ବିରୋଧରେ ଅପରାଧର ତାଲିକା ବେଶ ଲମ୍ବା ଥିଲା । ୨୦୨୩ ମସିହାରେ ଦଫା ୧୧୦ରେ ମଧ୍ୟ ଆବୁରୁକୁ ବୁକ୍ କରାଯାଇଥିଲା ।
୨୦୨୦ ମସିହାରୁ ନିଶା କାରବାର, ଡକାୟତି, ଗଣ୍ଡଗୋଳ, ହତ୍ୟା ଉଦ୍ୟମ, ଅପହରଣ, ଦାଦାବଟି ଭଳି ସଙ୍ଗୀନ ଅଭିଯୋଗରେ ଅଭିଯୁକ୍ତକୁ ଗିରଫ କରାଯାଇଥିଲା । ଏବର୍ଷ ମଧ୍ୟ ଷ୍ଟେସନ ବଜାର ଓ ଚିନ୍ତାମଣିଶ୍ବର ଅଞ୍ଚଳରେ ଅନେକ ଅପରାଧ ଘଟାଇ ଲୋକଙ୍କ ମନରେ ଭୟ ସୃଷ୍ଟି କରୁଥିବା ଏହି ହାର୍ଡକୋରକୁ ତଡିପାର କରାଯାଇଛି ।
କେବଳ ସେତିକି ନୁହେଁ, ପେସାଦାର ଅପରାଧୀଙ୍କ ଏକ ତାଲିକା ପ୍ରସ୍ତୁତ କରିଛି କମିଶନରେଟ ପୋଲିସ । ଦଶହରାକୁ ଆଖି ଆଗରେ ରହି ଖୁବଶୀଘ୍ର ଏହି ଅଭିଯୁକ୍ତଙ୍କୁ ଜେଲ ପଠାଯିବ ବୋଲି କହିଛନ୍ତି ପୋଲିସ କମିଶନର ।