ସୌମିତ୍ରି ମେହେର13/09/2024 at 12:41 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ଟିଠୀପାଲି ଗ୍ରାମରେ ବିଷଧର ସାପ କାମୁଡାରେ ଜଣେ ବୃଦ୍ଧାଙ୍କ ମୃତ୍ୟୁ ଘଟିଛି l ମୃତ ବୃଦ୍ଧା ଜଣକ ଫଦୋଲ ପାତ୍ର (60) ବୋଲି ଜଣାପଡିଛି l ସୂଚନା ଅନୁସାରେ ଆଜି ସକାଳ ପ୍ରାୟ 7ଟା ସମୟରେ ବୃଦ୍ଧା ଜଣକ ଝାଡୁ କରୁଥିବା ସମୟରେ ଘରେ ମୂଷା ଖୋଲିଥିବା ଏକ ଗାତକୁ ଦେଖି ପୋତୁ ଥିବା ସମୟରେ ଏକ ବିଷଧର ସାପ କାମୁଡି ଦେଇଥିଲା l ତୁରନ୍ତ ବୃଦ୍ଧା ଜଣକ ପରିବାରକୁ ଜଣାଇଥିଲେ l ସଙ୍ଗେ ସଙ୍ଗେ ପରିବାର ଲୋକେ ତାଙ୍କୁ ବୀରମହାରାଜପୁର ଉପଖଣ୍ଡ ଚିକିତ୍ସାଳୟ ଆଣିଥିଲେ l ମାତ୍ର ଡାକ୍ତର ପ୍ରାଥମିକ ଚିକିତ୍ସା ପରେ ମୃତ ଘୋଷଣା କରିଥିଲେ l ଖବର ପାଇ ପୋଲିସ ଶବ ଜବତ କରି ତଦନ୍ତ ଜାରି ରଖିଛି l