ବୀରମହାରାଜପୁର ବ୍ଲକ ସଭାଗୃହରେ ଡିଜିଟାଲ କ୍ରପ ସର୍ଭେ ସଚେତନତା କାର୍ଯ୍ୟକ୍ରମ
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସମ୍ମିଳନୀ କକ୍ଷ ରେ ଶୁକ୍ରବାର ଦିନ କୃଷି ବିଭାଗ ଆନୁକୂଲ୍ୟରେ ଡିଜିଟାଲ କ୍ରପ ସର୍ଭେ ସଚେତାନତା ସଭା ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ବୀରମହାରାଜପୁର ବିଡିଓ ସୁଶ୍ରୀ ପ୍ରିୟଦର୍ଶିନୀ ମିର୍ଦ୍ଧା ପୌରୋହିତ୍ୟ କରିଥିଲେ । ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା , ଜୋନ-୧ ଜିଲା ପରିଷଦ ସଭ୍ୟ ଲବ କୁମାର ସାହୁ , ସାଂସଦ ପ୍ରତିନିଧି ନଳିନୀ ପଣ୍ଡା , ବିଧାୟକ ପ୍ରତିନିଧି ଭାବେ ବେଣୁଧର ଦାଶ , ବୀରମାହାରାଜପୁର ଜିଲ୍ଲା କୃଷି ଅଧିକାରୀ ଧିରେନ୍ଦ୍ର ସିଂ ବରିହା , ସହକାରୀ କୃଷି ଅଧିକାରୀ ଯଶୋବନ୍ତ ପ୍ରଧାନ ପ୍ରମୁଖ ଅତିଥି ଭାବେ ଯୋଗଦେଇଥିଲେ । ସଂପ୍ରତି ଖରିଫ ଚାଷ ହୋଇଥିବା ବେଳେ କେଉଁ ଜମିରେ କେଉଁ ଫସଲ ହୋଇଛି ତାହାର ସର୍ଭେ କରାଯିବା ସହିତ କେଉଁ ଜମିରେ କୌଣସି ଚାଷ କରାଯାଇ ନାହିଁ ତାହାର ସର୍ଭେ ମଧ୍ୟ କରାଯିବ ବୋଲି ସୁଚନା ପ୍ରଦାନ କରାଯାଇଛି । ସମସ୍ତେ ଏଥିରେ ସହଯୋଗ କରିବାକୁ ଅନୁରୋଧ କରିଥିଲେ । ଉକ୍ତ କାର୍ଯ୍ୟକ୍ରମ ରେ ବ୍ଲକ ର ସମସ୍ତ ସରପଞ୍ଚ , ସମିତିସଭ୍ୟ ଓ କୃଷି ବିଭାଗର କର୍ମଚାରୀ ଯୋଗଦେଇଥିଲେ। ବିଟିଏମ ଜିତେନ୍ଦ୍ର ମେହେର ସ୍ବାଗତ ଭାଷଣ ପ୍ରଦାନ କରିଥିବା ବେଳେ ଏଟିଏମ ମୀନକେତନ ମହାକୁର କାର୍ଯ୍ୟକ୍ରମ କୁ ପରିଚାଳନା କରିବା ସହିତ ଧନ୍ୟବାଦ ଅର୍ପଣ କରିଥିଲେ।
