ସୌମିତ୍ରି ମେହେର17/09/2024 at 7:48 PM
ବୀରମହାରାଜପୁର : (ସୌମିତ୍ରି ମେହେର )
ସୁଭଦ୍ରା ପାଇଁ ଉତ୍ସବ ମୁଖର ଗାଁ ରୁ ସହର । ଆଜି ମାନ୍ୟବର ପ୍ରଧାନମନ୍ତ୍ରୀଙ୍କ ଦ୍ବାରା ସୁଭଦ୍ରା ଯୋଜନାର ଶୁଭାରମ୍ଭ ହୋଇଥିବାବେଳେ ସୁବର୍ଣ୍ଣପୁର ଜିଲ୍ଲାର ସମସ୍ତ ୬ଟି ବ୍ଲକରେ ଏହି କାର୍ଯ୍ୟକ୍ରମ ବେଶ୍ ଧୁମଧାମରେ ଅନୁଷ୍ଠିତ ହୋଇଛି । ମଙ୍ଗଳବାର ବୀରମହାରାଜପୁର ସ୍ଥିତ ବିଜୁ ପଟ୍ଟନାୟକ ମିନି ଷ୍ଟାଡିୟମ ରେ ଆୟୋଜିତ କାର୍ଯ୍ଯକ୍ରମରେ ବ୍ଲକର ହଜାର ହଜାର ସଂଖ୍ୟାରେ ସୁଭଦ୍ରା ହିତାଧିକାରୀ ସାମିଲ ହୋଇଥିବା ଦେଖାଦେଇଛି । ତେବେ ପୂର୍ବରୁ ଏକ ଟଙ୍କା ତାଙ୍କ ପାସ ବୁକ ରେ ପଡିଥିବା ବେଳେ ଆଜି ସୁଭଦ୍ରା ଯୋଜନାର 4999 ଟଙ୍କା ଖାତାରେ ଜମା ହୋଇଥିବା ଦେଖି ମହିଳାମାନେ ବେଶ୍ ଖୁସି ଅନୁଭବ କରିଛନ୍ତି । ଆସିଥିବା ଟଙ୍କାକୁ ସଦୁପଯୋଗ କରି ପରିବାର ପ୍ରତି ପୋଷଣ କରିବେ ବୋଲି ଅଧିକଂଶ ମହିଳାମାନେ କହିଛନ୍ତି I