ପ୍ରଦୀପ କୁମାର ନାୟକ21/09/2024 at 11:35 AM
ଚିପିଲିମା,ସମାଜରେ ପୁଅ ଟିଏ ଥିଲେ ମୃତ୍ୟୁ ସମୟରେ ପୁଅ ପାଣି ଦେବ, ମୁଖାଗ୍ନି ଦେବ ବୋଲି ବିଶ୍ୱାସ ରହିଥିବାବେଳେ ପୁଅ ପୁଅ ବୋଲି ଅନେକ ସମୟରେ ଭୃଣ ହତ୍ୟା କରିବାକୁ ଲୋକେ ପଛଉନାହାନ୍ତି l ସମ୍ବଲପୁର ମିର୍ଗାମୁଣ୍ଡା ଗ୍ରାମରେ ଜଣେ ଝିଅ ନିଜ ବାପାଙ୍କ ଶବସତ୍କାର ସମୟରେ ନିଜେ ମୁଖାଗ୍ନି ଦେଇ ସମାଜକୁ ଏକ ସ୍ୱତନ୍ତ୍ର ବାର୍ତ୍ତା ଦେଇଥିବାବେଳେ, ଅନ୍ୟମାନଙ୍କ ପାଇଁ ପ୍ରେରଣା ସାଜିଛନ୍ତି l ମିଳିଥିବା ସୂଚନା ଅନୁଯାୟୀ ସମ୍ବଲପୁର ଜିଲ୍ଲା ମାନେଶ୍ଵର ବ୍ଲକ ମିର୍ଗାମୁଣ୍ଡା ଗ୍ରାମର ୪୯ ବର୍ଷୀୟ ସତ୍ୟନାରାୟଣ ପାଣିଗ୍ରାହୀଙ୍କ ସହଧର୍ମିଣୀ ମାମି ଓ ଦୁଇଝିଅ ଶିକ୍ଷା (୧୪) ଓ ସାକ୍ଷୀ (୧୨) l ଏହି କିଛି ଦିନତଳେ ସାଙ୍ଗ ବୁଜି ଓରଫ ଜି. ଶ୍ରୀଧରଙ୍କ ଲାଠି ମାଡ଼ରେ ସତ୍ୟନାରାୟଣ (ଟୁନା )ଙ୍କ ମୃତ୍ୟୁ ଘଟିଥିଲା l ମୃତ ସତ୍ୟନାରାୟଣ ଜଣେ ମେଳାପୀ, ଶାନ୍ତ, ସରଳ ବ୍ୟକ୍ତି ଥିବାବେଳେ ତାଙ୍କର ମୃତ୍ୟୁ ଖବରକୁ ନେଇ ଗାଁ ତଥା ଅଞ୍ଚଳରେ ଖବର ଶୋକର ଛାୟା ଖେଳି ଯାଇଥିଲା l ନିଜ ବନ୍ଧୁ ପରିଜନ ତଥା ଗ୍ରାମବାସୀଙ୍କ ସହଯୋଗରେ ମୃତ ସତ୍ୟନାରାୟଣଙ୍କ ଶବସତ୍କାର ମାନେଶ୍ଵର ଶ୍ମଶାନ ଘାଟରେ ହୋଇଥିବାବେଳେ, ସତ୍ୟନାରାୟଣଙ୍କ ନିଜ ପୁଅ ନଥିବାରୁ ବଡ଼ ଝିଅ ଶିକ୍ଷା (୧୫)ମୁଖାଗ୍ନି ଦେଇ ଅନ୍ୟପାଇଁ ପ୍ରେରଣା ସାଜିଥିଲେ l ସମାଜରେ ପୁଅ ଝିଅ ମଧ୍ୟରେ କିଛି ଫରକ ନାହିଁ ବୋଲି ସମାଜକୁ ଏକ ବାର୍ତ୍ତା ଦେଇ ଅନ୍ୟମାନଙ୍କ ପାଇଁ ଉଦାହରଣ ସାଜିଛନ୍ତି l ବାପାଙ୍କ ଶବସତ୍କାରରେ ଝିଅ ମୁଖାଗ୍ନି ଦେବାରେ ତାଙ୍କ ମାଆ ଓ ବନ୍ଧୁ ପରିଜନ ପରାମର୍ଶ ଦେଇଥିବାରୁ ବନ୍ଧୁ ପରିଜନଙ୍କୁ ମଧ୍ୟ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି l