ସୌମିତ୍ରି ମେହେର4/10/2024 at 6:22 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଗୌଡଗାଡ ମାହେଶ୍ୱରୀ ମନ୍ଦିର ଠାରେ ଆଜି ଡୁମାଳ ସମାଜର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଆସନ୍ତା ୧୮ ତାରିଖ ଆଶ୍ଵିନ ପୂର୍ଣ୍ଣିମା ପ୍ରତିପଦ୍ ରେ କାନପୁର ମାହେଶ୍ୱରୀ ଡିମୁଳ ପୀଠ ଠାରେ ଡୁମାଳ ସମାଜର ଜିଲ୍ଲା ସ୍ତରୀୟ ମହିଳା ସମାବେଶ ଓ ବାର୍ଷିକ ସାଧାରଣ ବୈଠକ ହେବାକୁ ଥିବାବେଳେ ଶୁକ୍ରବାର ଏଥି ପାଇଁ ପ୍ରସ୍ତୁତି ବୈଠକ ହୋଇଯାଇଛି । ଜିଲ୍ଲା ସଭାପତି ଅଶ୍ଵିନୀ କୁମାର ମହାକୁର ଙ୍କ ସଭାପତିତ୍ବରେ ଆଜି ଅପରାହ୍ନ ୨ ଟାରେ ଲୁତୁରପଙ୍କ କେନ୍ଦ୍ର ଓ କେନଝରିଆ ପାଲି କେନ୍ଦ୍ର କୁ ନେଇ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଏହି ପ୍ରସ୍ତୁତି ବୈଠକରେ ବିଶେଷ କରି ମହିଳା ସମାବେଶ , ସାଧାରଣ ବାର୍ଷିକ ବୈଠକ , ୮୮ଟି ମାହେଶ୍ୱରୀ ମନ୍ଦିର ପୀଠର ସେବାୟତଙ୍କୁ ନେଇ ବୈଠକ ହେବା ଉଦ୍ଦେଶ୍ୟରେ ପ୍ରସ୍ତୁତି ବୈଠକ ହୋଇଥିଲା । ଜିଲ୍ଲା ଯୁବ ପରିଷଦ କାର୍ଯ୍ୟକାରୀ ସମ୍ପାଦକ କୈଳାସ ଚନ୍ଦ୍ର ଦେହେରୀ ବିଷୟବସ୍ତୁ ଉପରେ ଆଲୋଚନା କରିଥିଲେ । କେନଝରିଆପାଲି କେନ୍ଦ୍ର ସଭାପତି ଗୁଣସାଗର କର୍ଣ୍ଣ , ଲୁତୁରପଙ୍କ କେନ୍ଦ୍ର ଉପସଭାପତି ସତ୍ୟନାରାୟଣ ମେଣ୍ଡିଲି , କେନଝରିଆପାଲି କେନ୍ଦ୍ର ସମ୍ପାଦକ ରାଧାକାନ୍ତ ପାତ୍ର , ଦୀନାମ୍ବର ପାତ୍ର , ରବି ଦେହେରୀ , କିଶୋର ଶଙ୍ଖୁଆ , ଶିଡିକଣ୍ଠ ମହାକୁର , ଲିଙ୍ଗ ପାତ୍ର , ଅଶୋକ ପାତ୍ର , ଲକ୍ଷ୍ମଣ ଖେତି, ଗୌର ବସ୍ତିଆ , ଝାରୁ ନାଏକ , ନଳିନ ପଧାନ ପ୍ରମୁଖ ଦେଇ ନିଜ ନିଜ ମତବ୍ୟକ୍ତ ଦେଇଥିଲେ । ଶେଷରେ ଘନଶ୍ୟାମ କଲତା ଧନ୍ୟବାଦ ଅର୍ପଣ ଦେଇଥିଲେ I