ଷ୍ଟାଣ୍ଡରେ ଛିଡ଼ା ହୋଇଥିବା ବସ୍ ଇଞ୍ଜିନରେ ଲାଗିଲା ନିଆଁ
ବାଲେଶ୍ବର: ବସଷ୍ଟାଣ୍ଡରେ ଛିଡ଼ା ହୋଇଥିଲା ବସ୍ । ହଠାତ ଲାଗିଲା ନିଆଁ । ଘଟଣା ଘଟିଛି ବାଲେଶ୍ବର ବସଷ୍ଟାଣ୍ଡରେ । ତେବେ ବସଟି ଖାଲିଥିବାରୁ କେହି ମୃତାହତ ହୋଇନାହାନ୍ତି । ବାତ୍ୟା ‘ଦାନା’ ଯୋଗୁଁ ଦୁଇଦିନ ହେବ ବସଟି ଚଳାଚଳ ନକରି ଷ୍ଟାଣ୍ଡରେ ଛିଡ଼ାହୋଇଛି ।
ଆଜି ସକାଳୁ ହଠାତ କୌଣସି କାରଣରୁ ବସର ଇଞ୍ଜିନରେ ନିଆଁ ଲାଗି ଯାଇଥିଲା । ସେଠାରେ ଉପସ୍ଥିତ ଲୋକେ ତୁରନ୍ତ ଏନେଇ ବସ୍ ମାଲିକଙ୍କୁ ଖବର ଦେବା ସହ ଅଗ୍ନିଶମ ବାହିନୀକୁ ଜଣାଇଥିଲେ । ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ସଟ ସର୍କିଟରୁ ନିଆଁ ଲାଗିଥାଇପାରେ ବୋଲି ଅନୁମାନ କରାଯାଉଛି ।
