ଓଡ଼ିଶା ଡଟ୍ ନ୍ୟୁଜ୍15/11/2024 at 12:31 PM
ଭୁବନେଶ୍ବର: ଆଜି କାର୍ତ୍ତିକ ପୂର୍ଣ୍ଣିମା । ସାରା ରାଜ୍ୟରେ ପଞ୍ଚୁକ ଧୁମଧାମରେ ପାଳନ କରାଯିବା ସହ ନିଜ ଅତୀତର ଗୌରବକୁ ମନେ ପକାଇ ଡଙ୍ଗା ଭସାଉଛନ୍ତି । ଆଉ ଡଙ୍ଗା ଭସାଇବା ଦେବାଳୟ ଯାଇ ଠାକୁରଙ୍କ ଦର୍ଶନ କରୁଛନ୍ତି । ଯାହାକୁ ନେଇ ବିଭିନ୍ନ ଦେବାଳୟରେ ଭୋରୁ ଭିଡ଼ ଦେଖିବାକୁ ମିଳୁଛି । ଆଉ ଏହି ଭିଡ଼ର ଫାଇଦା ନେଇ ଲୁଟେରା ସୁନା ଲୁଟୁଛନ୍ତି । ଏମିତି ଏକ ଘଟଣା ରାଜଧାନୀର ନୟାପଲ୍ଲୀରେ ଦେଖିବାକୁ ମିଳିଛି । ଜଣେ ବୟସ୍କା ମହିଳାଙ୍କ ବେକରୁ ସୁନା ଚେନ୍ ଲୁଟି ନେଇଛନ୍ତି ଲୁଟେରା ।
ଅଭିଯୋଗ ଅନୁସାରେ, ନୟାପଲ୍ଲୀ ବେହେରା ସାହି ଶିବ ମନ୍ଦିରକୁ N5 ଅଞ୍ଚଳର ଲକ୍ଷ୍ମୀପ୍ରିୟା ପତି ଦର୍ଶନ ପାଇଁ ଯାଇଥିଲେ । ମନ୍ଦିରରେ ଭିଡ଼ ଥିବା ବେଳେ ଲୁଟେରା ତାଙ୍କ ବେକରୁ ଚେନ ଛିଣ୍ଡାଇ ନେଇଥିବା ଅଭିଯୋଗ ହୋଇଛି । ଭୋର୍ ସମୟରେ ଡଙ୍ଗା ଭସାଇ ଠାକୁରଙ୍କୁ ଦର୍ଶନ ପାଇଁ ଲାଇନରେ ଛିଡା ହୋଇଥିବା ବେଳେ ସୁନା ଚେନ୍ ଛିଣ୍ଡାଇ ନେଇଥିବା ଅଭିଯୋଗ ହୋଇଛି ।