ମହେନ୍ଦ୍ର କୁମାର ସାଇ17/11/2024 at 10:19 AM
ଝାରସୁଗୁଡ଼ା ୧୬/୧୧ (ଓଡ଼ିଶା ନ୍ୟୁଜ) ଓଡ଼ିଶା ୟୁନୀୟନ ଅଫ ଜର୍ଣାଲିଷ୍ଟ (ଓୟୁଜେ) ଦ୍ଵାରା ଅନୁବନ୍ଧିତ ଝାରସୁଗୁଡ଼ା ଜିଲ୍ଲା ସାମ୍ବାଦିକ ୟୁନୀୟନ ପକ୍ଷରୁ ନଭେମ୍ବର ୧୬ ତାରିଖ ଜାତୀୟ ପ୍ରେସ ଦିବସ ପାଳିତ ହୋଇଯାଇଛି l ଝାରସୁଗୁଡ଼ା ପାହାଡି ମନ୍ଦିର ଛକ ବିଜ୍ଞାନ କୋଚିଙ୍ଗ ସେଣ୍ଟର୍ କନଫରେନ୍ସ ହଲ ରେ ସଂଘର ଜିଲ୍ଲା ସଭାପତି ରିତେଶ ଶର୍ମା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଓ ୟୁ ଜେ ରାଜ୍ୟ ସାଂଗଠାନିକ ସମ୍ପାଦକ ତ୍ରିଲୋଚନ ଦାଶ ମୁଖ୍ୟଅତିଥି ଭାବରେ ଯୋଗ ଦେଇଥିଲେ l ଏଥିରେ ଜିଲ୍ଲା କାର୍ଯ୍ୟକାରୀ ସଭାପତି ମହେନ୍ଦ୍ର କୁମାର ସାଏ ଓ ଜିଲ୍ଲା ସହ ସମ୍ପାଦକ ବିଜୟ ବରାଡ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ l ସାମ୍ବାଦିକଙ୍କ ସ୍ଵାଧୀନତାକୁ ଅକ୍ଷୁଣ୍ଣ ରଖିବାରେ ଅହରହ ଚେଷ୍ଟିତ ଭାରତୀୟ ପ୍ରେସ ପରିଷଦର ଜନ୍ମ ଦିବସ ଉପଲକ୍ଷେ ଆୟୋଜିତ ସଭାରେ ଗଣମାଧ୍ୟମର ପରିବର୍ତ୍ତିତ ସ୍ୱରୂପ ଶୀର୍ଷକ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା l ଏଥିରେ ଅତିଥିଙ୍କ ସହ ବରିଷ୍ଠ ସାମ୍ୱାଦିକ ଉପନ ଚରଣ ସାହୁ, ବ୍ୟାସଦେବ ପଣ୍ଡା, ସୁକାନ୍ତ ସାହୁ, ଭୂପାଲ ଚନ୍ଦ୍ର ବେହେରା । ପ୍ରମୁଖ ନିଜର ସୁଚିନ୍ତିତ ମତାମତ ଦେଇଥିଲେ l ଏକ ଦାୟିତ୍ଵ ସମ୍ପନ୍ନ ସାମ୍ବାଦିକ ସଂଗଠନ ଭାବେ ଓ ୟୁ ଜେ ର ଦୁର୍ଗ ଅର୍ଦ୍ଧ ଶତାବ୍ଦୀରୁ ଉର୍ଦ୍ଧ୍ବ ସମୟ ଧରି କାର୍ଯ୍ୟ କରି ଆସୁଛି । ଏହି ସଙ୍ଗଠନର ରାଜ୍ୟ ସଭାପତି ପ୍ରସନ୍ନ ମହାନ୍ତିଙ୍କ କେନ୍ଦ୍ର ପ୍ରେସ ପରିଷଦରେ ପ୍ରଦିନିଧିତ୍ଵ ଏହି ସଂଗଠନର ଗାରିମାକୁ ଯଥେଷ୍ଟ ବଢାଇ ଦେଇଛି ବୋଲି ବକ୍ତା ମାନେ ବର୍ଣ୍ଣନା କରିଥିଲେ l ଆଜିର ଅନୁଷ୍ଠିତ ସଭାରେ ଅନ୍ୟ ମାନଙ୍କ ମଧ୍ୟରେ ସାମ୍ୱାଦିକ ପ୍ରକାଶ ପଧାନ, ଡିଲେଶ୍ୱର୍ ବାଗ, ବିରଞ୍ଚି ସ୍ୱାଇଁ, ଅଜୟ ଶର୍ମା, ଭରତ ପାତ୍ର, ଦେବେନ୍ଦ୍ର ବେହେରା, କୁଞ୍ଜ ବିହାରୀ ପଟେଲ, ବିଜୟ ସାହୁ ପ୍ରମୁଖ ଯୋଗ ଦେଇଥିଲେ l ସଂଘର ଜିଲ୍ଲା ସାଧାରଣ ସମ୍ପାଦକ ଆର୍ତ୍ତତ୍ରାଣ ସାହୁ ସଭା ପରିଚାଳନା କରିଥିବା ବେଳେ କାର୍ଯ୍ୟକାରୀ ସଭାପତି ମହେନ୍ଦ୍ର କୁମାର ସାଏ ଧନ୍ୟବାଦ୍ ଅର୍ପଣ କରିଥିଲେ l