ସରିଲା ଐତିହାସିକ କଟକ ବାଲିଯାତ୍ରା

କଟକ: ସରିଲା କଟକ ଐତିହାସିକ ବାଲିଯାତ୍ରା । ୯ ଦିନ ଧରି ମହାନଦୀ ନଦୀ ପଠାରେ ଜମିଥିଲା କିଣାବିକାର ମେଳା । ପ୍ରତିଦିନ ଲକ୍ଷାଧିକ ଲୋକଙ୍କ ସମାଗମ ହୋଇଥିଲା । ନାଚଗୀତକୁ, କିଣାବିକାରେ ଉଛୁଳି ଉଠିଥିଲା ମହାନଦୀ ପଠା । ପରିବାର, ସାଙ୍ଗ, ପରିଜନ ସହ ବାଲିଯାତ୍ରା ବୁଲି ଭରପୂର ମଜା ଉଠାଇଥିଲେ ଲୋକେ ।
ପ୍ରତିଦିନ ସାଂସ୍କୃତିକ କାର୍ଯ୍ୟକ୍ରମର ଉପଭୋଗ କରିବା ସହ ଯୁବ ପୀଢି ଓ ପିଲାମାନେ ଦୋଳି ଖେଳିଥିଲେ । ଏହାସହ ସୁସ୍ବାଦୁ ଖାଦ୍ଯର ମଜା ନେଇଥିଲେ ଲୋକମାନେ ।
ଏଥର ବାଲିଯାତ୍ରାରେ ମୋଟ ୨୫୦ କୋଟିର ବ୍ଯବସାୟ ହୋଇଛି । କେବଳ ଓରମାସରେ ଏକାକୀ ୪୦ କୋଟି ଟଙ୍କାର ବିକ୍ରିବଟା କରିଥିବା କଟକ ଜିଲ୍ଲାପାଳ କହିଛନ୍ତି ।