ଓଡ଼ିଶା ଡଟ୍ ନ୍ୟୁଜ୍30/11/2024 at 12:23 PM
ନୟାଗଡ଼: ଭାରସାମ୍ୟ ହରାଇ କଲଭଟ ତଳକୁ ଖସି ପଡ଼ିଲା କାର । ଦୁର୍ଘଟଣାରେ ଦୁଇ ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ଖଣ୍ଡପଡା ବ୍ଲକ ଖଳିସାହି -କୋଷ୍କା ରାସ୍ତାର ପଞ୍ଚବଟି ଗୋଶାଳା ନିକଟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି । ଗୁରୁତରଙ୍କୁ ଖଣ୍ଡପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି ।
ମୃତକମାନେ ହେଲେ ବୋଲଗଡ଼ ଥାନା ଅଧୀନ ଘୋରାଡ଼ିଆ ଗାଁର ଅବସରପ୍ରାପ୍ତ ସିଆରପିଏଫ ଯବାନ ପଦ୍ମଚରଣ ବେହେରା ଏବଂ ତାଙ୍କ ସମ୍ପର୍କୀୟ ମଞ୍ଜୁଲତା ମହାରଣା । ଗୁରୁତର ମିଲିନା ମହାରଣାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ୧୦୮ ଆମ୍ଵୁଲାନ୍ସ ଯୋଗେ ଖଣ୍ଡାପଡା ଗୋଷ୍ଠୀ ସ୍ଵାସ୍ଥ୍ୟରେ ଭର୍ତ୍ତି କରିଛନ୍ତି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି କାରଟିକୁ ଜବତ କରିବା ସହ ତଦନ୍ତ ଆରମ୍ଭ କରିଛି ।