ଓଡ଼ିଶା ଡଟ୍ ନ୍ୟୁଜ୍11/12/2024 at 11:26 AM
ଗଞ୍ଜାମ: ଭାରସାମ୍ୟ ହରାଇ ବିଲକୁ ଓଲଟିଲା ଲକ୍ଷ୍ମୀ ବସ୍ । ଦୁର୍ଘଟଣାରେ ୩ ଜଣ ଯାତ୍ରୀ ଆଡତ ହୋଇଛନ୍ତି । ସେମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ମହନାପଲ୍ଲୀ ଗାଁ ନିକଟରେ ଘଟିଛି ଦୁର୍ଘଟଣା ।
ମିଳିଥିବା ସୂଚନା ଅନୁସାରେ ଆଜି ସକାଳେ ଲକ୍ଷ୍ମୀ ବସ କବିସୂର୍ଯ୍ୟନଗର ଅଭିମୁଖେ ଯାଉଥିଲା । ବସରେ ୧୦ ଜଣ ଯାତ୍ରୀ ଥିଲେ । ମହନାପଲ୍ଲୀ ଗାଁ ନିକଟରେ ବସଟି ଭାରସାମ୍ୟ ହରାଇ ରାସ୍ତା କଡ଼ ବିଲକୁ ଓଲଟି ପଡ଼ିଥିଲା । ସ୍ଥାନୀୟ ଲୋକେ ତୁରନ୍ତ ଘଟଣା ସ୍ଥଳରେ ପହଞ୍ଚି ଆହତ ଯାତ୍ରୀମାନଙ୍କୁ ଉଦ୍ଧାର କରିଥିଲେ । ଏହାପରେ ସେମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ଖବର ପାଇ ପୋଲିସ ଘଟଣା ସ୍ଥଳରେ ପହଛି ବସକୁ ଜବତ କରିବା ସହ ତଦନ୍ତ ଆରମ୍ଭ କରିଛି । ଘନ କୁହୁଡି କାରଣରୁ ଡ୍ରାଇଭର ଠିକରେ ରାସ୍ତା ଦେଖି ନପାରିବାରୁ ଦୁର୍ଘଟଣା ଘଟିଥିବା ଅନୁମାନ କରାଯାଉଛି ।