ଓଡ଼ିଶା ଡଟ୍ ନ୍ୟୁଜ୍

11/12/2024 at 3:09 PM

ଛେଣ୍ଡିପଦା: ଧାନ କାଟିବାକୁ ଯାଇଥିବା ବେଳେ ହାତୀ ହାବୁଡ଼ରେ ପଡ଼ିଗଲେ ମହିଳା । ହାତୀଟି ମହିଳାଙ୍କୁ ଶୁଣ୍ଢରେ ଉଠାଇ ନେଇ କଚାଡି ଦେଇଥିଲା । ଫଳରେ ଘଟଣା ସ୍ଥଳରେ ମହିଳାଙ୍କ ମୃତ୍ୟୁ ଘଟିଥିଲା । ମୃତ ମହିଳା ହେଲେ ମନ୍ଦିରି ସାହୁ ଓ ତାଙ୍କ ବସୟ ୪୫ ବର୍ଷ । ଘଟଣା ଅନୁଗୋଳ ଜିଲ୍ଲା ଛେଣ୍ଡିପଦା ବନାଞ୍ଚଳ ପାଟକମୁଣ୍ଡା ଗାଁରେ ଘଟିଚି ।

ଆଜି ସକାଳେ ମନ୍ଦିରି ଧାନ କାଟିବା ପାଇଁ ଯାଉଥିଲେ । ଏହି ସମୟରେ ସେ ହାତୀ ହାବୁଡ଼ରେ ପଡ଼ିଯାଇଥିଲେ । ନିଜକୁ ବଞ୍ଚାଇବାକୁ ମନ୍ଦିରି ଦୌଡ଼ି ପଳାଇବାକୁ ଚେଷ୍ଟା କରିଥିଲେ । ହେଲେ ସେ ହାତୀର ଏତେ ପାଖରେ ଥିଳେ ଯେ, ଖସି ପାରି ନଥିଲେ । ମନ୍ଦିରିଙ୍କ ମୃତ୍ୟୁକୁ ପରେ ଗାଁରେ ଉତ୍ତେଜନା ପ୍ରକାଶ ପାଇଛି । ମୃତକଙ୍କ ପରିବାରକୁ କ୍ଷତିପୂରଣ ଦେବାକୁ ଗ୍ରାମବାସୀ ଅଡ଼ି ବସିଛନ୍ତି । ଗାଁରେ ହାତୀ ପଲ ପଶି ଉପଦ୍ରବ କରିବା ସହ ଆତଙ୍କ ମଚାଉଥିଳେ ବି ବନ ବିଭାଗ ଏନେଇ କୌଣସି  ପଦକ୍ଷେପ ନେଉ ନଥିବା ଗ୍ରାମବାସୀ ଅଭିଯୋଗ କରିଛନ୍ତି ।