ପୋଲିସ କବଜାରେ ଲୁଟେରା ଗ୍ୟାଙ୍ଗ, ୪ ଗିରଫ
ବାରିପଦା: ମୟୂରଭଞ୍ଜ ଜିଲ୍ଲା ବାରିପଦା ସହରରେ ସୁନା ବ୍ୟବସାୟୀଙ୍କ ସୁନା ଲୁଟ ଘଟଣାରେ ଲୁଟେରା ଗାଙ୍ଗର ୪ ଜଣ ସଦସ୍ୟଙ୍କୁ ଗିରଫ କରିଛି ପୋଲିସ । ଏଥିରେ ଗ୍ୟାଙ୍ଗର ମାଷ୍ଟର ମାଇଣ୍ଡ କାର ଡ୍ରାଇଭର ବି ଅଛନ୍ତି । ଗତ ୨୧ ତାରିଖରେ ବାରିପଦା ସହରର ଜଣେ ସୁନା ବ୍ୟବସାୟୀଙ୍କ ଲକ୍ଷାଧିକ ଟଙ୍କାର ସୁନା ଅଳଙ୍କାର ଏକ କାରରେ ବାରିପଦାରୁ ବାଲେଶ୍ଵର ଦୋକାନକୁ ଯାଉଥିଲା ।
୨୧ ତାରିଖ ରାତିରେ ବାରିପଦା ସହରର ଜଣେ ସୁନା ବ୍ୟବସାୟୀଙ୍କ ଲକ୍ଷାଧିକ ଟଙ୍କାର ସୁନା ଅଳଙ୍କାର ଏକ କାରରେ ବାରିପଦାରୁ ବାଲେଶ୍ଵର ଦୋକାନକୁ ଯାଉଥିଲା । ଏହି ସମୟରେ ପାଲବଣି ନିକଟରେ ଏକ ବାଇକରେ ୩ ଜଣ ଦୁବୃର୍ତ୍ତ ଆସି ସବୁ ସୁନା ଅଳଙ୍କାର ଲୁଟି ନେଇଥିଲେ । କାର ଡ୍ରାଇଭରର ମେସେଜକୁ ଆଧାର କରି ପୋଲିସ ଘଟଣାର ପର୍ଦ୍ଦାଫାସ କରିଛି । ଗିରଫ ଅଭିଯୁକ୍ତମାନେ ବାରିପଦା ସହରର ବଡ଼ବଜାର ଅଞ୍ଚଳ ବୋଲି ଜଣାପଡିଥିବା ବେଳେ ଏମାନଙ୍କ ଘରୁ ସୁନା ଅଳଙ୍କାର ଜବତ କରିଛି ପୋଲିସ ।
