ଓଡ଼ିଶା ଡଟ୍ ନ୍ୟୁଜ୍

28/01/2025 at 12:54 PM

ପୁରୀ: ପାଠ ଆସିଲାନି ବୋଲି ଛାତ୍ରଙ୍କୁ ସ୍କୁଲ ଘର ସଫା କରାଇଲେ ଦିଦି । ଭିତରେ ଥିଲା ନାଗ ସାପ । ଘର ସଫା ବେଳେ ଛାତ୍ରଙ୍କୁ ମାରିଲା ଚୋଟ । ଏମିତି ଘଟଣା ଘଟିଛି ପୁରୀ ଜିଲ୍ଲା ପୋପରଙ୍ଗା ସରକାରୀ ପ୍ରାଥମିକ ବିଦ୍ୟାଳୟରେ । ସାପ କାମୁଡାରେ ଆହତ ହୋଇଥିବା ଛାତ୍ରଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କ ନାଁ ସାଇକ୍ରିଷ୍ଣା ପ୍ରଧାନ । ସେ ଚତୁର୍ଥ ଶ୍ରେଣୀରେ ପଢ଼ୁଛନ୍ତି ।

ଗତକାଲି କ୍ଲାସ ରୁମରେ ପିଲାମାନଙ୍କୁ ଦିଦି ପାଠ ପଚାରିଥିଲେ । ସାଇକ୍ରିଷ୍ଣାଙ୍କ ସମେତ କିଛି ପିଲା ପାଠ କହିପାରି ନଥିଲେ । ଏଥିରେ ଦିଦି ରାଗି ଯାଇ ପିଲାଙ୍କୁ ସ୍କୁଲରେ ଚାଉଳ ରହୁଥିବା ଘରକୁ ସଫା କରିବା ପାଇଁ କହିଥିଲେ । ପିଲାମାନେ ମଧ୍ୟ ସ୍କୁଲ ଘର ସଫା କରିଥିଲେ । ଏହି ସମୟରେ ଏକ ନାଗ ସାପ ସାଇକ୍ରିଷ୍ଣାଙ୍କୁ ଚୋଟ ମାରିଥିଲା ।

ସାପ କାମୁଡ଼ିବା ପରେ ସାଇ ଜୋରରେ ଚିତ୍କାର କରିଥିଲେ । ତାଙ୍କ ଚିତ୍କାର ଶୁଣି ସମସ୍ତେ ଦୌଡ଼ି ଆସିଥିଲେ । ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି କ୍ୟାପିଟାଲ ହସପିଟାଲକୁ ଅଣାଇଥିଲା । ପରେ ସାଇକ୍ରିଷ୍ଣାଙ୍କୁ କାମୁଡ଼ିଥିବା ନାଗ ସାପଟିକୁ ସେକ୍ନ ହେଲପ ଲାଇନ ଉଦ୍ଧାର କରିଥିଲେ ।