ସ୍ୱାଭିମାନ ଅଞ୍ଚଳରେ ପୁଷ୍ପା ୨ ଟିମ୍; ଆରମ୍ଭ ହେଲା ସୁଟିଂ
ମାଲକାନଗିରି: ଓଡ଼ିଶାରେ ଆରମ୍ଭ ହେଲା ଫିଲ୍ମ ପୁଷ୍ପା -୨ର ସୁଟିଂ। ମାଲକାନଗିରି ସ୍ୱାଭିମାନ ଅଞ୍ଚଳରେ ଏହି ଆରମ୍ଭ ହୋଇଛି । ଫିଲ୍ମର ପୁରା ଟିମ୍ ମାଲକାନଗିରିରେ ପହଞ୍ଚିଛନ୍ତି। ପ୍ରାକୃତିକ ସୌନ୍ଦର୍ଯ୍ୟରେ ଭରା ମାଲକାନଗିରିର ଜଙ୍ଗଲ, ପାହାଡ ଇଲାକାରେ ଫିଲ୍ମର ସୁଟିଂ କରାଯାଉଛି ।
ଏହି ଫିଲ୍ମର ନିର୍ଦ୍ଦେଶକ ହେଉଛନ୍ତି ସୁକୁମାର। ପୋଲାଣ୍ଡରୁ ଆସିଥିବା ଡିଓପି କୁବା ମିରେସଲୋ ଓ ଆସୋସିଏଟ ଡାଇରେକ୍ଟରଙ୍କ ସହ ୨୦ ଜଣିଆ ଟିମ୍ ମାଲକାନଗିରି ଆନ୍ଧ୍ର ସୀମାନ୍ତବର୍ତ୍ତୀ ଅଞ୍ଚଳରେ ପହଞ୍ଚିଛନ୍ତି। ସୁଟିଂ ଲାଗି ସମସ୍ତ ପ୍ରସ୍ତୁତି ଆରମ୍ଭ ହୋଇଛି।
ତେବେ ସୂଚନା ଅନୁଯାୟୀ ଜୁଲାଇରେ ସୁଟିଂରେ ଯୋଗ ଦେବେ ସାଉଥ୍ ସୁପରଷ୍ଟାର ଅଲ୍ଲୁ ଅର୍ଜୁନ।
