କେଦାରନାଥରେ ଏଣ୍ଟ୍ରି ନେଇ ଅଣ ହିନ୍ଦୁଙ୍କ ଉପରେ ଲାଗିବ ରୋକ୍!
ଡେରାଡୁନ: କେଦାରନାଥ ଧାମରେ ଅଣହିନ୍ଦୁଙ୍କ ପ୍ରବେଶ ଏବଂ କାର୍ଯ୍ୟକଳାପକୁ ନିଷେଧ କରିବାକୁ ନେଇ ଆଲୋଚନା ତୀବ୍ର ହୋଇଛି।ବିଧାୟକ ଆଶା ନୌଟିୟାଲ କହିଛନ୍ତି ଯେ କିଛି ଅଣହିନ୍ଦୁ ତତ୍ତ୍ୱ ଧାର୍ମିକ ସ୍ଥଳ କେଦାରନାଥ ଧାମର ପବିତ୍ରତାକୁ ନଷ୍ଟ କରିବାକୁ ଚେଷ୍ଟା କରୁଛନ୍ତି।
ସେ ଅଭିଯୋଗ କରିଛନ୍ତି ଯେ ଏହି ଲୋକମାନେ ସେଠାରେ ମାଂସ, ମାଛ ଏବଂ ମଦ୍ଯପାନ ଭଳି କାର୍ଯ୍ୟକଳାପରେ ଲିପ୍ତ ଅଛନ୍ତି। ଯାହା ଧାମର ମର୍ଯ୍ୟାଦାକୁ କ୍ଷତି ପହଞ୍ଚାଉଛି। ସେ କହିଛନ୍ତି ଯେ ଏମାନଙ୍କୁ ଚିହ୍ନଟ କରି ସେମାନଙ୍କ ପ୍ରବେଶକୁ ନିଷିଦ୍ଧ କରିବା ପାଇଁ ଏକ ଯୋଜନା ପ୍ରସ୍ତୁତ କରାଯାଉଛି।
ସେ ଆହୁରି ମଧ୍ଯ କହିଛନ୍ତି ଯେ ସମ୍ପ୍ରତି ରାଜ୍ୟ ପ୍ରଭାରୀ ମନ୍ତ୍ରୀ ସୌରଭ ବହୁଗୁଣା ଏହି ବିଷୟରେ ଅଧିକାରୀ ଏବଂ ସ୍ଥାନୀୟ ଲୋକଙ୍କ ସହିତ ଏକ ବୈଠକ କରିଛନ୍ତି। ବୈଠକରେ ପରାମର୍ଶ ଦିଆଯାଇଥିଲା ଯେ କେଦାରନାଥ ଧାମକୁ ବଦନାମ କରିବା ପାଇଁ ଅଣହିନ୍ଦୁ ତତ୍ତ୍ୱମାନେ ପ୍ରୟାସ କରୁଛନ୍ତି। ତେଣୁ ଏପରି ବ୍ୟକ୍ତିମାନଙ୍କୁ ଚିହ୍ନଟ କରି ସେମାନଙ୍କର ପ୍ରବେଶକୁ ସମ୍ପୂର୍ଣ୍ଣ ନିଷେଧ କରାଯିବା ଉଚିତ।
