ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

15/05/2025 at 8:30 AM

ମୁମ୍ବାଇ: ଆମୀର ଖାନଙ୍କ ଆଗାମୀ ଚଳଚ୍ଚିତ୍ର ‘ସୀତାରେ ଜମିନ୍ ପର’ ବିବାଦର ସମ୍ମୁଖୀନ ହେଉଛନ୍ତି। ସୋସିଆଲ ମିଡିଆରେ କିଛି ଲୋକ ଦାବି କରୁଛନ୍ତି ଯେ ଏହି ଫିଲ୍ମଟି ଇଂରାଜୀ ଚଳଚ୍ଚିତ୍ର ଚାମ୍ପିଅନ୍ସର “ଫ୍ରେମ୍-ବାଇ-ଫ୍ରେମ୍” କପି ପରି ଦେଖାଯାଉଛି। ଯାହା ସ୍ପାନିସ୍ ଚଳଚ୍ଚିତ୍ର କ୍ୟାମ୍ପିଓନ୍ସର ଏକ ଇଂରାଜୀ ରିମେକ୍।

ଆମିର ଖାନଙ୍କ ଫିଲ୍ମର ଟ୍ରେଲର ନିକଟରେ ରିଲିଜ୍ ହୋଇଛି। ଯାହା ପରେ ନେଟିଜେନମାନେ କହିଛନ୍ତି ଯେ ଦୃଶ୍ୟଗୁଡ଼ିକ ଏକ ଇଂରାଜୀ ଫିଲ୍ମ ପରି ଦେଖାଯାଉଛି। ନେଟିଜେନମାନେ Reddit ରେ ଏକ ଫ୍ରେମ୍-ଟୁ-ଫ୍ରେମ୍ ତୁଳନା ମଧ୍ୟ ପୋଷ୍ଟ କରିଛନ୍ତି।

ଜଣେ ବ୍ୟବହାରକାରୀ ମନ୍ତବ୍ୟ ଦେଇଛନ୍ତି, “ଫରେଷ୍ଟ ଗମ୍ପର ଫ୍ଲପ୍ ପରେ, ସେମାନଙ୍କୁ ପୁନଃନିର୍ମାଣ କିମ୍ବା ରିମେକରୁ ଦୂରେଇ ରହିବା ଉଚିତ ଥିଲା।” ଆଉ ଜଣେ ଲେଖିଛନ୍ତି, “ଭାଗ୍ୟବଶତଃ, ଚାମ୍ପିଅନ୍ସ, ଫରେଷ୍ଟ ଗମ୍ପ ଅପେକ୍ଷା କମ୍ ଲୋକପ୍ରିୟ, ତେଣୁ କମ୍ ଲୋକ ଏହାକୁ ଜାଣିପାରିବେ। କିନ୍ତୁ ଏହା ଏବେ ବି ଭଲ ଦେଖାଯାଉନାହିଁ।” ଆଉ ଜଣେ ଲେଖିଛନ୍ତି, “ଫ୍ରେମ ପରେ ଫ୍ରେମ ଫିଲ୍ମ ଫ୍ରେମକୁ ନକଲ କରିବାରେ ପର୍ଫେକ୍ସନିଷ୍ଟ।

ତେବେ ଏହି ଫିଲ୍ମରେ ଆମିର ଖାନ ଜଣେ ବାସ୍କେଟବଲ୍ ପ୍ରଶିକ୍ଷକଙ୍କ ଭୂମିକାରେ ଅଭିନୟ କରିଛନ୍ତି ଯିଏକି ମାନସିକ ଦୁର୍ବଳ ପିଲାଙ୍କୁ ଟ୍ରେନିଂ ଦେଉଛନ୍ତି।