ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ16/06/2025 at 9:51 AM
ହାଇଦ୍ରାବାଦ: ରବିବାର ଦିନ ହାଇଦ୍ରାବାଦ ଅଭିମୁଖେ ଯାଉଥିବା ଲୁଫ୍ଥାନସା ବିମାନଟି ଉଡ଼ାଣ ମଝିରେ ବୋମା ଧମକ ପାଇବା ପରେ ହଠାତ୍ ୟୁ-ଟର୍ଣ୍ଣ ନେଇ ଫ୍ରାଙ୍କଫର୍ଟ ଫେରିଆସିଲା।ଉଡ଼ାଣ ଆରମ୍ଭ ହେବାର ପ୍ରାୟ ଦୁଇ ଘଣ୍ଟା ପରେ ବିମାନଟି ଫେରି ଆସିଥିଲା।
ବୋଇଂ ୭୮୭-୯ ଡ୍ରିମଲାଇନର ଦ୍ୱାରା ପରିଚାଳିତ ବିମାନ LH ୭୫୨, ସନ୍ଧ୍ୟା ୬ଟା (ସ୍ଥାନୀୟ ସମୟ) ସମୟରେ ଫ୍ରାଙ୍କଫର୍ଟରୁ ଯାତ୍ରା କରିଥିଲା ଏବଂ ବୁଲଗେରିଆନ ବାୟୁସୀମା ଉପରେ ଯାତ୍ରା କରୁଥିଲା ବେଳେ ଧମକ ବିଷୟରେ ଖବର ଦିଆଯାଇଥିଲା। ଉଡ଼ାଣ ଆରମ୍ଭ ହେବାର ପ୍ରାୟ ଦୁଇ ଘଣ୍ଟା ପରେ ବିମାନଟି ଫେରିଯାଇ ଫ୍ରାଙ୍କଫର୍ଟରେ ସୁରକ୍ଷିତ ଭାବରେ ଅବତରଣ କରିଥିଲା। ସୋମବାର ଦିନ ପ୍ରାୟ ୧:୩୦ ସମୟରେ ବିମାନଟି ପ୍ରଥମେ ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର (RGIA) ରେ ଅବତରଣ କରିବାର କାର୍ଯ୍ୟକ୍ରମ ଥିଲା। କିନ୍ତୁ ବୋମା ଧମକ ମିଳିବା ପରେ ୟୁ-ଟର୍ଣ୍ଣ ନେଇ ଫେରି ଯାଇଥିଲା।
ହାଇଦ୍ରାବାଦ ବିମାନବନ୍ଦରର ଜଣେ ଅଧିକାରୀ କହିଛନ୍ତି, “ବିମାନଟି ଭାରତୀୟ ବାୟୁସୀମା ବାହାରେ ଥିବା ସମୟରେ ବୋମା ଧମକ ପାଇବା ଯୋଗୁଁ ଉଡ଼ାଣଟି ତା’ର ମୂଳ ସ୍ଥାନ (ଜର୍ମାନୀ) କୁ ଫେରିଆସିଥିଲା।”