ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ16/06/2025 at 10:24 AM
ସାଇପ୍ରସ: ସାଇପ୍ରସର ରାଜଧାନୀ ନିକୋସିଆରେ ଭାରତ-ସାଇପ୍ରସ ସିଇଓ ଫୋରମକୁ ରବିବାର ଦିନ ସମ୍ବୋଧିତ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ଗସ୍ତ ୨୦ ବର୍ଷ ମଧ୍ୟରେ ଜଣେ ଭାରତୀୟ ପ୍ରଧାନମନ୍ତ୍ରୀଙ୍କ ପ୍ରଥମ ସରକାରୀ ଗସ୍ତ।
ଏହି ସମୟରେ ପ୍ରଧାନମନ୍ତ୍ରୀ ମୋଦି ଭାରତର ଆର୍ଥିକ ପ୍ରଗତି, ଡିଜିଟାଲ ବିପ୍ଳବ ଏବଂ ସାଇପ୍ରସ ସହିତ ସହଯୋଗକୁ ଆହୁରି ମଜବୁତ କରିବା ଦିଗରେ ଅନେକ ଗୁରୁତ୍ୱପୂର୍ଣ୍ଣ କଥା ବାଣ୍ଟିଥିଲେ। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଭାରତ ଏବଂ ସାଇପ୍ରସ ମଧ୍ୟରେ ୧୫୦ ନିୟୁତ ଡଲାରର ବାଣିଜ୍ୟ ଅଛି, କିନ୍ତୁ ପ୍ରକୃତ ସମ୍ଭାବନା ଏହାଠାରୁ ବହୁତ ଅଧିକ। ସେ କହିଛନ୍ତି, “ସାଇପ୍ରସ ଭାରତର ଏକ ବିଶ୍ୱସ୍ତ ସହଯୋଗୀ ହୋଇଆସିଛି। ଭାରତରେ ଏଠାରୁ ନିବେଶ କରାଯାଇଛି ଏବଂ ଅନେକ ଭାରତୀୟ କମ୍ପାନୀ ସାଇପ୍ରସରେ ସେମାନଙ୍କର ଉପସ୍ଥିତି ପଞ୍ଜୀକୃତ କରିଛନ୍ତି। ସାଇପ୍ରସକୁ ୟୁରୋପର ପ୍ରବେଶ ଦ୍ୱାର ମଧ୍ୟ କୁହାଯାଏ।”
ପ୍ରଧାନମନ୍ତ୍ରୀ ମୋଦୀ ତାଙ୍କ ଅଭିଭାଷଣରେ କହିଥିଲେ ଯେ ଭାରତ ବହୁତ ଶୀଘ୍ର ବିଶ୍ୱର ତୃତୀୟ ବୃହତ ଅର୍ଥନୀତି ହେବା ଦିଗରେ ଦ୍ରୁତ ଗତିରେ ଆଗକୁ ବଢ଼ୁଛି। ସେ କହିଛନ୍ତି, “ଗତ ଦଶନ୍ଧିରେ ଭାରତ ପଞ୍ଚମ ବୃହତ ଅର୍ଥନୀତି ହୋଇପାରିଛି। ଏବେ ଆମେ ଦ୍ରୁତ ଗତିରେ ତୃତୀୟ ସ୍ଥାନ ଆଡକୁ ବଢ଼ୁଛୁ।” ଭାରତରେ ଡିଜିଟାଲ ବିପ୍ଳବ ବିଷୟରେ ଉଲ୍ଲେଖ କରି ସେ କହିଥିଲେ, “ଆଜି ବିଶ୍ୱର ୫୦% ଡିଜିଟାଲ କାରବାର ଭାରତରେ ୟୁପିଆଇ ମାଧ୍ୟମରେ ହେଉଛି। ଆମେ ଫ୍ରାନ୍ସ ଭଳି ଦେଶଗୁଡ଼ିକୁ ସଂଯୋଗ କରିଛୁ ଏବଂ ଏବେ ସାଇପ୍ରସ ସହିତ ମଧ୍ୟ ୟୁପିଆଇକୁ ସଂଯୋଗ କରିବା ବିଷୟରେ ଆଲୋଚନା ହେଉଛି।