ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ19/06/2025 at 9:49 AM
ଟୋକିଓ: ଏକ ଶକ୍ତିଶାଳୀ ଭୂମିକମ୍ପ ଯୋଗୁଁ ଜାପାନର ଭୂମି ଥରି ଉଠିଥିଲା। ଜାପାନର ହୋକାଇଡୋ ଉପକୂଳରେ ଏକ ଶକ୍ତିଶାଳୀ ଭୂମିକମ୍ପ ହୋଇଥିଲା। ଯାହାର ତୀବ୍ରତା ରିକ୍ଟର ସ୍କେଲରେ ୬.୧ ମାପ କରାଯାଇଥିଲା।
ଜାପାନ ପାଣିପାଗ ସଂସ୍ଥା (JMA) ଭୂମିକମ୍ପକୁ ନେଇ ସ୍ପଷ୍ଟ କରି କହିଛନ୍ତି ଯେ ଗୁରୁବାର (ଜୁନ୍ ୧୯) ଜାପାନର ହୋକାଇଡୋ ଅଞ୍ଚଳର ନେମୁରୋ ଉପଦ୍ୱୀପର ଦକ୍ଷିଣ-ପୂର୍ବ ଉପକୂଳରେ ଭୂମିକମ୍ପ ହୋଇଥିଲା। ଭୂମିକମ୍ପର କେନ୍ଦ୍ରସ୍ଥଳ ୪୨.୮ ଡିଗ୍ରୀ ଉତ୍ତର ଅକ୍ଷାଂଶ ଏବଂ ୧୪୬.୪ ଡିଗ୍ରୀ ପୂର୍ବ ଦ୍ରାଘିମାରେ ଚିହ୍ନଟ କରାଯାଇଛି। ଯଦିଓ ଏପର୍ଯ୍ୟନ୍ତ କୌଣସି ସୁନାମି ଚେତାବନୀ ଜାରି କରାଯାଇ ନାହିଁ। ତେବେ ଭୂମିକମ୍ପର ଶକ୍ତିଶାଳୀ ଭୂମିକମ୍ପ ସେହି ଅଞ୍ଚଳରେ ରହୁଥିବା ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି କରିଛି।
ଯୁକ୍ତରାଷ୍ଟ୍ର ଭୂତତ୍ତ୍ୱ ସର୍ବେକ୍ଷଣ (USGS) ଅନୁଯାୟୀ, ଗତକାଲି ମଧ୍ୟ ଏକ ଭୂମିକମ୍ପ ହୋଇଥିଲା, ଯାହାର ତୀବ୍ରତା ୫.୯ ଥିଲା। ବୁଧବାର ଜୁନ୍ ୧୮ରେ ନେମୁରୋର ପ୍ରାୟ ୧୦୭ କିଲୋମିଟର ଦକ୍ଷିଣ-ପୂର୍ବରେ ୧୪.୯ କିଲୋମିଟର ଗଭୀରତାରେ ଏକ ଭୂମିକମ୍ପ ହୋଇଥିଲା। ଜାପାନରେ ଭୂମିକମ୍ପ କିମ୍ବା ସୁନାମି ଭଳି ପ୍ରାକୃତିକ ବିପର୍ଯ୍ୟୟର ପୂର୍ବାନୁମାନ ବିଷୟରେ ଆଲୋଚନା ହେଉଛି। ତେଣୁ ଜାପାନ ସରକାର ଏବଂ ଭୂମିକମ୍ପ ବୈଜ୍ଞାନିକମାନେ ଏକ ସତର୍କତା ଜାରି କରିଛନ୍ତି। ଯେକୌଣସି ପ୍ରକାରର ବିପର୍ଯ୍ୟୟର ମୁକାବିଲା ପାଇଁ ଲୋକଙ୍କୁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି।
ଉଲ୍ଲେଖଯୋଗ୍ୟ, ୨୦୧୧ ମସିହାରେ ୯ ତୀବ୍ରତାର ଭୂମିକମ୍ପ ହୋଇଥିଲା। ଯାହା ଯୋଗୁଁ ସୁନାମି ଜାପାନରେ ୧୫୦୦୦ ଲୋକଙ୍କ ଜୀବନ ନେଇଥିଲା।