ଜୁଲାଇ ୧ରୁ ମହଙ୍ଗା ହେବ ରେଳ ଯାତ୍ରା
ନୂଆଦିଲ୍ଲୀ: ଜୁଲାଇ ୧ରୁ ରେଳ ଯାତ୍ରା ମହଙ୍ଗା ହୋଇପାରେ। ନନ୍-ଏସି ମେଲ୍ / ଏକ୍ସପ୍ରେସ୍ ଟ୍ରେନର ଭଡ଼ା ପ୍ରତି କିଲୋମିଟରରେ ୧ ପଇସା ଏବଂ ଏସି ଶ୍ରେଣୀର ଭଡ଼ା ପ୍ରତି କିଲୋମିଟରରେ ୨ ପଇସା ବୃଦ୍ଧି ପାଇପାରେ। ସମସ୍ତ ପରିବର୍ତ୍ତନ ୧ ଜୁଲାଇରୁ ଲାଗୁ ହେବ।
ଯଦି ଆପଣ ଏହି ତାରିଖ ପରେ ଟିକେଟ୍ ବୁକ୍ କରନ୍ତି, ତେବେ ଆପଣଙ୍କୁ ନୂତନ ଦର ଅନୁଯାୟୀ ଭଡ଼ା ଦେବାକୁ ପଡିବ। ରେଳ ବାଇ ଶେଷ ଥର ପାଇଁ ୨୦୨୦ ମସିହାରେ ଯାତ୍ରୀ ଭଡ଼ା ବୃଦ୍ଧି କରିଥିଲା। ତେବେ ଏହି ବୃଦ୍ଧି ସମସ୍ତ ଟ୍ରେନରେ ଲାଗୁ ହେବ ନାହିଁ। ଦ୍ୱିତୀୟ ଶ୍ରେଣୀରେ ୫୦୦ କିଲୋମିଟର ପର୍ଯ୍ୟନ୍ତ ଯାତ୍ରା ପାଇଁ କୌଣସି ବୃଦ୍ଧି ହୋଇନାହିଁ। ଅର୍ଥାତ୍, କମ୍ ଦୂରତା ଯାତ୍ରା କରୁଥିବା ଅଧିକାଂଶ ଯାତ୍ରୀଙ୍କୁ ପୂର୍ବ ପରି ସମାନ ଭଡ଼ା ଦେବାକୁ ପଡିବ। ଯଦି ଦୂରତା ୫୦୦ କିଲୋମିଟରରୁ ଅଧିକ ହୁଏ, ତେବେ ଆପଣଙ୍କୁ ପ୍ରତି କିଲୋମିଟରରେ ଅଧା ପଇସା ଅଧିକ ଦେବାକୁ ପଡିବ। ରେଳବାଇ ମଧ୍ୟ ତତ୍କାଳ ଟିକେଟ୍ ବୁକିଂ ପାଇଁ ନିୟମ ପରିବର୍ତ୍ତନ କରିଛି।
୧ ଜୁଲାଇ, ୨୦୨୫ରୁ ତତ୍କାଳ ଟିକେଟ୍ ବୁକ୍ କରିବା ପାଇଁ ଆଧାର ଯାଞ୍ଚ ଆବଶ୍ୟକ ହେବ। ଅର୍ଥାତ୍ IRCTC ୱେବସାଇଟ୍ କିମ୍ବା ଆପ୍ ରୁ ତତ୍କାଳ ଟିକେଟ୍ ବୁକ୍ କରିବା ପାଇଁ ଆପଣଙ୍କର ଆଧାର କାର୍ଡ ଲିଙ୍କ୍ ହେବା ଆବଶ୍ୟକ। ଏହା ବ୍ୟତୀତ ୧୫ ଜୁଲାଇରୁ ତତ୍କାଳ ବୁକିଂ ପାଇଁ ଆଧାର-ଆଧାରିତ OTP ଯାଞ୍ଚ ମଧ୍ୟ ଆବଶ୍ୟକ ହେବ।
