‘AA22xA6’ ରେ ଚାରୋଟି ଭୂମିକାରେ ଅଭିନୟ କରିବେ ଅଲ୍ଲୁ ଅର୍ଜୁନ
ମୁମ୍ବାଇ: ଦକ୍ଷିଣ ନିର୍ଦ୍ଦେଶକ ଆଟଲିଙ୍କ ଆଗାମୀ ଆକ୍ସନ୍ ଡ୍ରାମା AA22xA6 କୁ ନେଇ ଚର୍ଚ୍ଚା ଜୋର ଧରିଛି। ଏହି ଫିଲ୍ମରେ ଅଲ୍ଲୁ ଅର୍ଜୁନ ମୁଖ୍ୟ ଭୂମିକାରେ ନଜର ଆସିବେ। ଦୀପିକା ପାଦୁକୋନ, ରଶ୍ମିକା ମଣ୍ଡାନ୍ନା, ଜାହ୍ନବୀ କପୁର ଏବଂ ମୃଣାଳ ଠାକୁରଙ୍କ ପରି ଅଭିନେତ୍ରୀଙ୍କ ସହିତ ଏହି ବହୁଭାଷୀ ଫିଲ୍ମ ନିର୍ମାଣ ହେବାକୁ ଯାଉଛି।
ଏହି ସମୟରେ AA22xA6 ବିଷୟରେ ସଦ୍ୟତମ ସୂଚନା ଆସୁଛି ଯେ ଅଲ୍ଲୁ ଅର୍ଜୁନ ଫିଲ୍ମରେ ଚାରୋଟି ଭୂମିକାରେ ଅଭିନୟ କରିବେ। ପ୍ରାପ୍ତ ସୂଚନା ଅନୁଯାୟୀ, AA22xA6 ରେ ଅଲ୍ଲୁ ଅର୍ଜୁନ ଏକ ସମ୍ପୂର୍ଣ୍ଣ ପିଢ଼ିର ବଂଶକୁ ଚିତ୍ରଣ କରିବେ। ସେ ଜଣେ ଜେଜେବାପା, ଜଣେ ପିତା ଏବଂ ଦୁଇ ପୁଅଙ୍କ ଭୂମିକାରେ ଅଭିନୟ କରିବେ। ଏହା ତାଙ୍କ ପାଇଁ ପ୍ରଥମ ଏବଂ ଏକ ସିନେମାଟିକ୍ ଚ୍ୟାଲେଞ୍ଜ ହେବ। ଯାହାକୁ ବହୁତ କମ୍ ଲୋକ କରିବାକୁ ସାହସ କରିବେ। ସେ ଏକ ସମ୍ପୂର୍ଣ୍ଣ ପରିବାରରେ ଜୀବନକୁ ପରଦାରେ ପ୍ରଦର୍ଶିତ କରିବେ।
ତେବେ ଆଟଲି ଏହାକୁ ନେଇ ପ୍ରଥମେ ସନ୍ଦେହରେ ଥିଲେ କିନ୍ତୁ ଲୁକ୍ ଟେଷ୍ଟ ପରେ ସେ ରାଜି ହୋଇଯାଇଥିଲେ। ଦର୍ଶକମାନେ ସମାନ ଫିଲ୍ମରେ ଆଲ୍ଲୁ ଅର୍ଜୁନଙ୍କ ଚାରୋଟି ଭିନ୍ନ ଲୁକ୍ ଦେଖିବାକୁ ପାଇବେ।
