ଟେକ୍ ଅଫ ପୂର୍ବରୁ ଵୋଇଂ ବିମାନରେ ଲାଗିଲା ନିଆଁ, ୧୭୯ ଯାତ୍ରୀ ଥିଲେ…
ନୂଆଦିଲ୍ଲୀ: ଶନିବାର ଦିନ ଆମେରିକାରେ ଏକ ବଡ଼ ବିମାନ ଦୁର୍ଘଟଣା ଟଳି ଯାଇଛି। ସୂଚନା ଅନୁଯାୟୀ, ଆମେରିକାର ଡେନଭର ବିମାନବନ୍ଦରରେ ଉଡ଼ାଣ ପୂର୍ବରୁ ଏକ ଯାତ୍ରୀବାହୀ ବିମାନର ଲ୍ୟାଣ୍ଡିଂ ଗିଅରରେ ସମସ୍ୟା ଦେଖାଦେଇଥିଲା। ଯାହା ଯୋଗୁଁ ଏଥିରୁ ନିଆଁ ଏବଂ ଧୂଆଁ ବାହାରିବାକୁ ଲାଗିଥିଲା। ସମସ୍ୟା ପରେ ଏହି ଉଡ଼ାଣକୁ ବାତିଲ କରିବାକୁ ପଡିଥିଲା।
ଘଟଣାଟି ଜଣାପଡିବା ମାତ୍ରେ ବିମାନବନ୍ଦରରେ ଉପସ୍ଥିତ ଅଧିକାରୀମାନେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ। ଏହା ପରେ ପ୍ରଥମେ ଯାତ୍ରୀମାନଙ୍କୁ ବିମାନରୁ ବାହାର କରାଯାଇଥିଲା। ଅଧିକାରୀମାନେ କହିଛନ୍ତି ଯେ ଏହି ସୁରକ୍ଷା କାର୍ଯ୍ୟ ସମୟରେ ଜଣେ ବ୍ୟକ୍ତିଙ୍କୁ ସାମାନ୍ୟ ଆଘାତ ଲାଗିଛି।
କୁହାଯାଉଛି ଯେ ବିମାନରେ କ୍ରୁ ସଦସ୍ୟଙ୍କ ସହିତ ମୋଟ ୧୭୯ ଜଣ ଯାତ୍ରୀ ଥିଲେ। ବୋଇଂ ୭୩୭ ମ୍ୟାକ୍ସ ୮ ବିମାନ ଦ୍ୱାରା ପରିଚାଳିତ ଆମେରିକୀୟ ଏୟାରଲାଇନ୍ସର ବିମାନ AA-3023 ମିଆମି ଯିବାକୁ ଥିଲା। ଏହି ସମୟ ମଧ୍ୟରେ ଲ୍ୟାଣ୍ଡିଂ ଗିଅରରେ ସମସ୍ୟା ଦେଖାଯାଇଥିଲା। ଏହି ଘଟଣା ସମ୍ପର୍କରେ ଏୟାରଲାଇନ୍ସର ବିବୃତ୍ତି ମଧ୍ୟ ସାମ୍ନାକୁ ଆସିଛି। କମ୍ପାନୀ କହିଛି ଯେ ଟାୟାରରେ ରକ୍ଷଣାବେକ୍ଷଣ ସମସ୍ୟା ଥିଲା। ତେବେ ଏହି ସମ୍ପୂର୍ଣ୍ଣ ଘଟଣାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି।
