ହେରା ଫେରିର ସିକ୍ୱେଲକୁ ନେଇ ଆସିଲା ନୂଆ ଅପଡେଟ
ମୁମ୍ବାଇ: ୨୦୦୦ ମସିହାରେ ମୁକ୍ତିଲାଭ କରିଥିବା ବ୍ଲକବଷ୍ଟର ଫିଲ୍ମ ହେରା ଫେରିର ସିକ୍ୱେଲ ଆସିବାକୁ ଯାଉଛି। ଯାହାକୁ ନେଇ ଏହାର ପ୍ରଶଂସକ ମାନେ ଉତ୍ସାହିତ ରହିବା ସହ ଆଗ୍ରହ ର ସହ ଏହି ଫିଲ୍ମର ରିଲିଜକୁ ଅପେକ୍ଷା କରି ବସିଛନ୍ତି। ଏଥିରେ ଅକ୍ଷୟ କୁମାର ସମେତ ଅନେକ କଳାକାର କାମ କରିଥିଲେ।
ତେବେ ନିକଟରେ ଏକ ସାକ୍ଷାତକାରରେ ଅକ୍ଷୟ କୁମାର ଏହି ଫିଲ୍ମ ବିଷୟରେ ଅନେକ କିଛି ଅପଡେଟ୍ ଦେଇଛନ୍ତି। ବର୍ଷ ଆରମ୍ଭ ରେ ହିଁ ପରେଶ ରାୱଲ ‘ହେରା ଫେରି ୩’ ଫିଲ୍ମରେ କାମ କରିବାକୁ ମନା କରିଦେଇଥିଲେ ଯାହା ପରେ ଅକ୍ଷୟ କୁମାର ତାଙ୍କ ବିରୋଧରେ ମାମଲା ଦାୟର କରିଥିଲେ। ତେବେ ଅନେକ ଦିନର ବାଦ ବିବାଦ ପରେ ପରେଶ ରାୱଲ ଫିଲ୍ମରେ କାମ କରିବା ନେଇ ନିଷ୍ପତ୍ତି ନିଆଯାଇଥିଲା। ଏକ ସାକ୍ଷାତକାର ପରେଶ ରାୱଲଙ୍କ ସମ୍ପର୍କରେ ଘଟିଥିବା ବିବାଦ ଏକ ଷ୍ଟଣ୍ଟ ଥିଲା କି ବୋଲି ପଚରା ଯାଇଥିଲା ଅକ୍ଷୟ କୁମାର ଙ୍କୁ।
ଯାହାକୁ ନେଇ ଅକ୍ଷୟ କହିଥିଲେ ଯେ ଏହା କୌଣସି ଷ୍ଟଣ୍ଟ ନଥିଲା ଓ ସମସ୍ତ କାର୍ଯ୍ୟ ଆଇନଗତ ଭାବରେ କରାଯାଇଥିଲା।ପରେ ଅକ୍ଷୟ କୁମାର ପ୍ରଶଂସକମାନଙ୍କୁ ଏହ ମଧ୍ୟ କହିଥିଲେ ଯେ ବର୍ତ୍ତମାନ୍ ସବୁ କିଛି ଠିକ୍ ଅଛି ଓ ସମସ୍ତେ ଏକାଠି ହୋଇ କାମ କରୁଛନ୍ତି। ଏଥି ସହିତ ସୁନୀଲ ସେଟ୍ଟୀ ମଧ୍ୟ ଏହି କଥା କୁ ସୁନିଶ୍ଚିତ କରିଛନ୍ତି।
