ବିଶ୍ୱ ମାନବ ଚାଲାଣ ବିରୁଦ୍ଧରେ ସିଡିର ଅଭିଯାନ
ସମ୍ବଲପୁରୀ:ସମ୍ବଲପୁର ସମନ୍ଵନ୍ମିତ ବିକାଶ ପ୍ରତିଷ୍ଠାନ ହେଉଛି(ସିଡି)ପକ୍ଷରୁ ଜଷ୍ଟ ରାଇଟ୍ସ ଫର ଚିଲଡ୍ରେନର ଏକ ଅଂଶୀଦାର ଏବଂ ଏହା ଶିଶୁ ଚାଲାଣ, ବାଲ୍ୟ ବିବାହ ଏବଂ ଯୌନ ନିର୍ଯାତନାର ଶିକାର ହେଉଥିବା ପିଲାମାନଙ୍କ ସୁରକ୍ଷା, ଉଦ୍ଧାର ଏବଂ ନ୍ୟାୟ ସୁନିଶ୍ଚିତ କରିବା ପାଇଁ ସକ୍ରିୟ ଭାବରେ କାର୍ଯ୍ୟ କରୁଛି।
ଗତ କିଛି ବର୍ଷ ଧରି, ସିଡି ଅନୁଷ୍ଠାନ ଶିଶୁ ଶ୍ରମିକ, ଶିଶୁ ଚାଲାଣ ଏବଂ ବାଲ୍ୟ ବିବାହରୁ ବହୁ ସଂଖ୍ୟକ ପିଲାମାନଙ୍କୁ ଉଦ୍ଧାର କରିଛି। ସିଡ଼ି ଅନୁଷ୍ଠାନ ପ୍ରକାଶ କରେକି ଯେ ଶିଶୁ ଚାଲାଣ କେବଳ ବ୍ୟବସାୟିକ କିମ୍ବା ଯୌନ ଶୋଷଣ ମଧ୍ୟରେ ସୀମିତ ନୁହେଁ ବରଂ ଅନେକ ପିଲା, ବିଶେଷକରି ଝିଅମାନଙ୍କୁ, ବଳପୂର୍ବକ ବିବାହ ପାଇଁ ମଧ୍ୟ ଚାଲାଣ କରାଯାଏ, ଯାହା ରିପୋର୍ଟ କରାଯାଉ ନାହିଁ ଏବଂ ଯାର ସମାଧାନ ମଧ୍ୟ ହେଉନାହିଁ ।
ଉଲ୍ଲେଖଯୋଗ୍ୟ, ସିଡି ଅନୁଷ୍ଠାନ, ଜୁଲାଇ ମାସରେ ଶିଶୁ ଚାଲାଣ ବିଷୟରେ ସଚେତନତା ସୃଷ୍ଟି କରିବାରେ ରେଳ ସୁରକ୍ଷା ବଳ (RPF) ସହିତ ସହଭାଗୀ କରିଥିଲା । ଚାଲାଣକାରୀମାନେ ପ୍ରାୟତଃ ରାଜ୍ୟ ସାରା ପିଲାମାନଙ୍କୁ ପରିବହନ କରିବା ପାଇଁ ରେଳପଥ ବ୍ୟବହାର କରୁଥିବାରୁ, ଏହି କାର୍ଯ୍ୟକ୍ରମ ଯାତ୍ରୀ, ରେଳ କର୍ମଚାରୀ, ବିକ୍ରେତା, ଦୋକାନୀ ଏବଂ କୁଲିମାନଙ୍କୁ ଶିଶୁ ଚାଲାଣର ଲକ୍ଷଣଗୁଡ଼ିକୁ ଚିହ୍ନଟ କରିବା ଏବଂ ସନ୍ଦିଗ୍ଧ ମାମଲାଗୁଡ଼ିକୁ ସୁରକ୍ଷିତ ଭାବରେ ରିପୋର୍ଟ କରିବା ବିଷୟରେ ସଚେତନ କରିବା ଉପରେ ଧ୍ୟାନ କରାଇଥିଲା ।
ସିଡି ଅନୁଷ୍ଠାନର ନିର୍ଦ୍ଦେଶକ ଅଭିରାମ ପାଣିଗ୍ରାହୀ ଶିଶୁ ସୁରକ୍ଷା ଗୁରୁତ୍ୱ ଉପରେ ଆଲୋକପାତ କରି କହିଛନ୍ତି, “ଶିଶୁ ଚାଲାଣ ରୋକିବା ପାଇଁ ଦଣ୍ଡବିଧାନ ହେଉଛି ଗୁରୁତ୍ୱପୂର୍ଣ୍ଣ”। ଶିଶୁ ଚାଲାଣକାରି ଙ୍କୁ ଦଣ୍ଡବିଧାନ ଏକ ଗୁରୁତ୍ୱପୁର୍ଣ ପଦକ୍ଷେପ ଜାରିଫଳରେ ସେମାନେ ଏହିପରି କାର୍ଯ୍ୟ କରିବାକୁ ଭୟ କରିବେ।ଏଇଥିପାଇଁ ବେସରକାରୀ ଓ ସରକାରୀ ସଂସ୍ଥା ଗୁଡିକର ମିଳିତ ଉଦ୍ୟମ ଅତି ଆବଶ୍ୟକ।ଏହା ଦ୍ୱାରା ଆମେ କେବଳ ଶିଶୁମାନଙ୍କୁ ସୁରକ୍ଷା ଦେବୁ ତାହା ନୁହେଁ ବରଂ ସେମାନଙ୍କୁ ଶିକାର କରୁଥିବା ଚାଲାଣ ନେଟୱାର୍କଗୁଡ଼ିକୁ ମଧ୍ୟ ଭାଙ୍ଗି ଦେବାରେ ସକ୍ଷମ ହେବୁ
