ସୌମିତ୍ରି ମେହେର2/08/2025 at 10:04 AM
ବୀରମହାରାଜପୁର : (ସୌମିତ୍ରି ପରିବାର ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଜିଲ୍ଲାପାଳ ସୁରେନ୍ଦ୍ର ମେହେର ଶୁକ୍ରବାର ଅପରାହ୍ନ ୫ ଘଣ୍ଟା ସମୟରେ ଦୈନିକ ପରିବା ବଜାର ପରିଦର୍ଶନ ରେ ଯାଇ ବିଭିନ୍ନ ସମସ୍ୟା ଉପରେ ଅବଗତ ହୋଇଥିଲେ l ଦୈନିକ ବଜାର ରେ ଥିବା କୁଢ଼ କୁଢ଼ ଆବର୍ଜନା, ବଜାର ଭିତରେ ଶୌଚାଳୟ ନିର୍ମାଣ, ଡ୍ରେନ ର ବ୍ୟବସ୍ଥା , ବଜାର ର ସୌନ୍ଦର୍ଯ୍ୟ କରଣ , ସାଙ୍ଗକୁ ନିରାପତ୍ତା ବ୍ୟବସ୍ଥା ଉପରେ ଆଲୋକପାତ କରିଥିଲେ l ଏହି ସମୟରେ ବୀରମହାରାଜପୁର ତହସିଲଦାର ଶୁଚିସ୍ମିତା ପାଣିଗ୍ରାହୀ , ଡେପୁଟି କଲେକ୍ଟର ଅଜିତ କୁମାର ମିର୍ଦ୍ଧା , ଏ ବିଡ଼ିଓ ପୁରୁଷୋତ୍ତମ ଧରୁଆ , ସମାଜସେବୀ କିଶୋର ହୋତା , ଆଇନଜୀବୀ ସତ୍ୟବ୍ରତ ମିଶ୍ର , ସୁମନ୍ତ ଜଗଦଲା , ସୁରେଶ କଳତା , ଆଶ୍ରୟ ମହାନନ୍ଦ ପ୍ରମୁଖ ସାମିଲ ହୋଇଥିଲେ l ପରେ ଉପଜିଲ୍ଲାପାଳ ବୀରମହାରାଜପୁର ବସଷ୍ଟାଣ୍ଡ କୁ ଯାଇ ସେଠାରେ ଚମ୍ପାମାଲ ଗ୍ରାମ ପଞ୍ଚାୟତ ଦ୍ୱାରା ନିର୍ମାଣ ହୋଇଥିବା ୮ ଗୋଟି ଦୋକାନ ଗୃହ, ଏବଂ ରାଜ୍ୟ ସଡ଼କ ପରିବହନ ଦ୍ୱାରା ନିର୍ମାଣ ହୋଇଥିବା ଦୋକାନ ଗୃହ କୁ ହିତାଧିକାରୀ ମାନଙ୍କୁ ନଦେଇ ପଡିରହିଥିବା ରୁ କ୍ଷୋଭ ପ୍ରକାଶ କରିଥିଲେ l କାହିଁକ କାହାକୁ ଦିଆ ଯାଉ ନଥିବା ପଚାରି ବୁଝିବା ସହ ଟ୍ରା୍ସପୋର୍ଟ ମେନେଜର ଙ୍କୁ ଟେଲିଫୋନ କରିଥିଲେ l ଏ ଦିଗରେ ପଦକ୍ଷେପ ନେବାକୁ ଏକ ବୈଠକ ର ଆୟୋଜନ କରି ଏହାର ସମାଧାନ କରାଯିବ ବୋଲି କହିଥିଲେ l ଉପଜିଲ୍ଲାପାଳ ଙ୍କ ଏଭଳି ଉଦ୍ୟମ କୁ ସାଧାରଣରେ ପ୍ରଶଂସା କରାଯାଇଛି l