ରାଜାରାମ ଷଡଙ୍ଗୀ

9/08/2025 at 6:27 AM

ଢେଙ୍କାନାଳ:ଓଡିଶା ରାଜ୍ୟ ବ୍ୟାଡ଼ମୀଣ୍ଟନ ସଂଘ ଆନୁକୂଲ୍ୟରେ ଢେଙ୍କାନାଳ ଜିଲ୍ଲା ବ୍ୟାଡ଼ମୀଣ୍ଟନ ସଂଘ ପକ୍ଷରୁ ବିଜୁ ପଟ୍ଟନାୟକ ଇଣ୍ଡୋର ବ୍ୟାଡ଼ମୀଣ୍ଟନ ହଲ ଓ ନୁଆଁ ପୋଖରୀ ବ୍ୟାଡ଼ମୀଣ୍ଟନ ହଲ ଠାରେ ରାଜ୍ୟ ସବ ଜୁନିଅର ( ୧୭ବର୍ଷ ରୁ କମ ) ବ୍ୟାଡ଼ମୀଣ୍ଟନ ରେଙ୍କିଙ୍ଗ ଟୁର୍ନାମେଣ୍ଟ ୮ ତାରିଖ ଦିନ ଢେଙ୍କାନାଳ ଜିଲ୍ଲାପାଳ ଆଶିଷ ଈଶ୍ୱର ପଟେଲ ଙ୍କ ଦ୍ୱାରା ଉଦଘାଟିତ ହୋଇଯାଇଛି l ଅଗଷ୍ଟ ୮ ରୁ ୧୦ତାରିଖ ଯାଏ ତିନିଦିନ ବ୍ୟାପି ଆୟୋଜିତ ହେବାକୁ ଥିବା ଏହି ପ୍ରତିଯୋଗିତା ରେ ରାଜ୍ୟର ବିଭିନ୍ନ ଜିଲ୍ଲା ରୁ ୧୩୭ ଜଣ ପ୍ରତିଯୋଗୀ ଭାଗ ନେଇଛନ୍ତି l ସେମାନଙ୍କର ମଧ୍ୟରୁ ୧୦୩ ପୁଅ ଓ ୩୫ ଜଣ ଝିଅ ଆଛନ୍ତି l
ଏହି ଟୁର୍ନାମେଣ୍ଟ ରେ ବିଭିନ୍ନ ବର୍ଗ ରେ ସର୍ବମୋଟ ୧୫୮ଟି ମ୍ୟାଚ ଆୟୋଜିତ ହେବ l ଆଜିର ଏହି ଉଦଘାଟନୀ କାର୍ଯ୍ୟକ୍ରମ ରେ ଢେଙ୍କାନାଳ ଜିଲ୍ଲା ବ୍ୟାଡ଼ମୀଣ୍ଟନ ସଂଘ ର ସଭାପତି ଦୀପକ କୁମାର ଦଳାଇ, କାର୍ଯ୍ୟକାରୀ ସଭାପତି ଅମିତ ରଞ୍ଜନ ଶତପଥି, ସମ୍ପାଦକ ଟଙ୍କଧର ବେହେରା, ସଂଯୋଜକ ସୁଶାନ୍ତ କୁମାର ସାହୁ, କୋଷାଧକ୍ଷ ରଶ୍ମି ପ୍ରକାଶ ପଟ୍ଟନାୟକ, ଓଏସବିଏ ପର୍ଯ୍ୟବେକ୍ଷକ କମଳ ଦାସ, ଅଜିତ ମହାନ୍ତି, ତାରାପ୍ରସାଦ ଦାସ ତଥା ଟୁର୍ନାମେଣ୍ଟ ର ମ୍ୟାଚ ରେଫରୀ ସ୍ୱାଧୀନ ମିଶ୍ର ପ୍ରମୁଖ ମଂଚାସୀନ ଥିଲେ l
ତିନିଦିନ ବ୍ୟାପି ହେବାକୁ ଥିବା ୧୫୮ ଟି ମ୍ୟାଚ କୁ ଓଏସବିଏ ରାଜ୍ୟର ବିଭିନ୍ନ ଜିଲ୍ଲାରୁ ୨୦ଜଣ ଟେକ୍ନିକାଲ ଅଫିସିଆଲ ଏହି ଟୁର୍ନାମେଣ୍ଟ କୁ ପରିଚାଳନା କରୁଛନ୍ତି।