ପ୍ରଦ୍ୟୁମ୍ନ ପାତ୍ର

16/05/2023 at 10:09 PM

ବେଲଗୁଣ୍ଠା, 16/05, ଅସହ୍ୟ ଗରମ ଯୋଗୁଁ ଗାଙ୍ଗପୁର ଥାନା ଅନ୍ତର୍ଗତ କଳାସୂତା ଗ୍ରାମରେ ଅଂଶୁଘାତରେ ଜଣେ ମହିଳା ମୃତ୍ୟୁବରଣ କରିଛନ୍ତି I ମହିଳା ଜଣଙ୍କ ହେଲେ କଳାସୂତା ଗ୍ରାମର ବିଜୟ ବେହେରାଙ୍କ ସ୍ତ୍ରୀ କୁନି ବେହେରା (55) I କୁନି କୌଣସି କାମରେ ବାଲିସିରା ଗ୍ରାମକୁ ଯାଇ ନିଜ ଗ୍ରାମ କଳାସୂତାକୁ ଫେରୁଥିବା ସମୟରେ କଖାରୁଆ ତୋଟା ନିକଟରେ ଦିନ 12 ଘଣ୍ଟା ତିରିଶି ମିନିଟ୍ ସମୟରେ ଅଚେତ୍ ହୋଇ ପଡ଼ିଯାଇଥିଲେ I ସ୍ଥାନୀୟ ଲୋକେ ଏନେଇ କୁନିଙ୍କ ସ୍ୱାମୀ ବିଜୟକୁ ଖବର ଦେବାପରେ ବିଜୟ ଗ୍ରାମର କିଛି ବ୍ୟକ୍ତିଙ୍କୁ ସହଯୋଗରେ କୁନିଙ୍କୁ ବାଲିସିରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ I ସେଠାରେ ଅପରାହ୍ଣ ଦୁଇ ଘଣ୍ଟା ସମୟରେ ଡ଼ାକ୍ତର କୁନିଙ୍କୁ ମୃତ ଘୋଷଣା କରିଥିଲେ I