ଦିଲ୍ଲୀ ବିସ୍ଫୋରଣ ପରେ ୩ ଦିନ ପାଇଁ ଲାଲକିଲ୍ଲା ବନ୍ଦ

ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

ନୂଆଦିଲ୍ଲୀ: ଦିଲ୍ଲୀର ଲାଲକିଲ୍ଲା ମେଟ୍ରୋ ଷ୍ଟେସନର ଗେଟ୍ ନମ୍ବର ୧ ନିକଟରେ ସୋମବାର ସନ୍ଧ୍ୟାରେ ଏକ କାର ବିସ୍ଫୋରଣ ହୋଇଥିଲା। ଯେଉଁ ଘଟଣାରେ ୧୩ ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଥିବା ସୂଚନା ମିଳିଛି।

ବିସ୍ଫୋରଣ ପରେ ଲାଲକିଲ୍ଲାକୁ ନଭେମ୍ବର ୧୩ ତାରିଖ ପର୍ଯ୍ୟନ୍ତ ସମ୍ପୂର୍ଣ୍ଣ ବନ୍ଦ କରିଦିଆଯାଇଛି। ଦିଲ୍ଲୀ ମେଟ୍ରୋ ରେଳ ନିଗମ (DMRC) ହାଇ ଆଲର୍ଟରେ ଅଛି। ଭାଓଲେଟ୍ ଲାଇନରେ ଯାତ୍ରୀ ସୁରକ୍ଷା ଯାଞ୍ଚ କଡ଼ାକଡ଼ି କରାଯାଇଛି। କାର୍ ବିସ୍ଫୋରଣ ପରେ ଦିଲ୍ଲୀ ମେଟ୍ରୋ ରେଳ ନିଗମ (DMRC) ହାଇ ଆଲର୍ଟରେ ଅଛି। ପୋଲିସ ନିର୍ଦ୍ଦେଶ ପରେ, ପରବର୍ତ୍ତୀ ସୂଚନା ପର୍ଯ୍ୟନ୍ତ ଲାଲକିଲ୍ଲା, ମେଟ୍ରୋ ଷ୍ଟେସନର ଗେଟ୍ ନମ୍ବର ୧ ଏବଂ ୪କୁ ପ୍ରବେଶ ଏବଂ ପ୍ରସ୍ଥାନ ପାଇଁ ବନ୍ଦ କରିଦିଆଯାଇଛି। ଭାଓଲେଟ୍ ଲାଇନରେ ଯାତ୍ରୀ ସୁରକ୍ଷା ଯାଞ୍ଚ କଡ଼ାକଡ଼ି କରାଯାଇଛି।

DMRC ଅନୁଯାୟୀ, ମେଟ୍ରୋ ଟ୍ରେନ୍ ଚଳାଚଳ ସ୍ୱାଭାବିକ ଭାବରେ ଜାରି ରହିଛି। ସୁରକ୍ଷା କାରଣରୁ ଲାଲକିଲ୍ଲା ମେଟ୍ରୋ ଷ୍ଟେସନ ବନ୍ଦ କରାଯାଇଛି ବୋଲି DMRC ଟ୍ୱିଟ୍ କରିଛି। ଅନ୍ୟ ସମସ୍ତ ଷ୍ଟେସନ ସ୍ୱାଭାବିକ ଭାବରେ କାର୍ଯ୍ୟ କରୁଛି। ଦିଲ୍ଲୀ ବିସ୍ଫୋରଣରେ ଆହତମାନଙ୍କୁ ଲୋକ ନାୟକ ଜୟ ପ୍ରକାଶ (LNJP) ହସ୍ପିଟାଲକୁ ନିଆଯାଇଛି। ଅଗ୍ନିକାଣ୍ଡରେ ଅନେକ ଗାଡ଼ି ମଧ୍ୟ ପୋଡ଼ି ଯାଇଥିଲା। ଘଟଣା ପରେ ସମଗ୍ର ସହରରେ ହାଇ ଆଲର୍ଟ ଜାରି କରାଯାଇଛି।