ଚେତା ହରେଇବାରୁ ଗୁରୁତର ଅବସ୍ଥାରେ ଅଭିନେତା ଗୋବିନ୍ଦା ହସ୍ପିଟାଲରେ ଭର୍ତ୍ତି
ନୂଆଦିଲ୍ଲୀ, 12।11: ବଲିଉଡ ଦିଗଜ ଅଭିନେତା ତଥା ପୂର୍ବତନ ଏମ୍ପି ଗୋବିନ୍ଦାଙ୍କ ସ୍ବାସ୍ଥ୍ୟାବସ୍ଥା ହଠାତ୍ କାଲି ସନ୍ଧ୍ୟାରେ ଖରାପ ହୋଇଯାଇଥିଲା। ଯାହା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା।
ରିପୋର୍ଟ ଅନୁଯାୟୀ, ହଠାତ ଅଚେତ ହୋଇ ପଡିବାରୁ ତାଙ୍କୁ ଜୁହୁ ଉପନଗରୀୟ କ୍ରିଟିକେୟାର ହସ୍ପିଟାଲରେ ଭର୍ତ୍ତି କରାଯାଇଛି। ୬୧ ବର୍ଷୀୟ ଅଭିନେତାଙ୍କୁ ତାଙ୍କ ବାସଭବନରେ ହଠାତ ଚେତାଶୂନ୍ୟ ହେବା ପରେ ତାଙ୍କୁ ହସ୍ପିଟାଲକୁ ନିଆଯାଇଥିବା ଜଣାପଡିଛି। ପରେ ତାଙ୍କୁ କ୍ରିଟିକେୟାର ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା। ବର୍ତ୍ତମାନ ସେ ସମ୍ପୂର୍ଣ୍ଣ ଭାବେ ଡାକ୍ତରଙ୍କ ନିରୀକ୍ଷଣରେ ଅଛନ୍ତି। ତାଙ୍କ ଗୁରୁତ୍ୱପୂର୍ଣ୍ଣ ପାରାମିଟରଗୁଡ଼ିକ ଉପରେ କଡ଼ା ନଜର ରଖାଯାଇଛି ଏବଂ ଡାକ୍ତରମାନେ ଆବଶ୍ୟକୀୟ ପରୀକ୍ଷା କରୁଛନ୍ତି।
